ભરૂચની પાનોલી જીઆઇડીસીમાં આવેલી ઇન્ફિનિટી રિસર્ચ એન્ડ ડેવલોપમેન્ટ કંપનીમાંથી મુંબઈ એન્ટી નાર્કોટિક્સ સેલે 1383 કરોડનું એમડી ડ્રગ્સ ઝડપી પાડતા હાહાકાર મચી જવા પામી છે
ગુજરાતમાં ડ્રગ્સની ફેક્ટરીઓ ઉઘાડી પડી
પાનોલી GIDCની એક જ કંપનીમાં 3 દિવસમાં 2 વખત દરોડા
પહેલા 513 કિલો અને આજે 90 કિલો MD ડ્રગ્સ પકડયું
ભરૂચ જિલ્લામાં કેમિકલ ક્લસ્ટરની અંકલેશ્વરની પાનોલી જીઆઇડસીમાંથી ડ્રગ્સ ફેકટરી પકડાતા ખળભળાટ મચી ગયો છે.પાનોલી જીઆઇડીસીમાં આવેલી ઇન્ફિનિટી રિસર્ચ એન્ડ ડેવલોપમેન્ટ કંપની વર્ષ 2017 માં શરૂ થઇ હતી.5 એફ સિન્થેટિક ઓર્ગેનિક કેમિકલ્સ ઇન્ડસ્ટ્રીઝમાં ડાયઝ અને ડાય ઇન્ટરમીડિયેટનું ઉત્પાદન કરવાનું હતું.જોકે આજે આ કંપનીમાં મુંબઈ એન્ટી નાર્કોટિક્સ સેલના વેલી યુનિટે એમડી ડ્રગ્સના 1000 કરોડ ઉપરાંતના જથ્થાનો ઘટસ્ફોટ થયો છે. આ ઓપરેશનમાં એટીએસના આધારે મુંબઈ એન્ટી નાર્કોટિક્સ સેલ સાથે ભરૂચ એસ.ઓ.જી.પી.આઈ. વી.બી. કોઠીયા અને એલસીબી પી.આઈ. કરણસિંહ મંડોરા સહિતના જોડાયા હતા. કેમિકલ ડાયઝ ના નામે એમડી ડ્રગ્સના આ કારોબારમાં સોમવાર સાંજથી દરોડાની કામગીરી ચાલી રહી છે.
અલગ અલગ દિવસે રેડ કરવામાં આવી
ભરૂચ જિલ્લાના ઇતિહાસમાં ડ્રગ્સની આ મોટી રેડમાં સૌથી વિપુલ જથ્થો પકડાયો છે. લગભગ 513 કિલો એમ.ડી. ડ્રગ્સ જેની ઇન્ટરનેશનલ માર્કેટમાં કિંમત રૂપિયા 1026 કરોડ જેટલી થાય છે.ઓપરેશનમાં જોડાયેલી ટીમોએ 1000 કરોડ ઉપરાંતના ડ્રગ્સના જથ્થા સાથે મહિલા સહિત 7 આરોપીઓની પણ ધરપકડ કરી હોવાની વિગતો બહાર આવી છે. જો કે ઓપરેશન પૂર્ણ થયા બાદ જ સત્તાવાર માહિતી સાંપડશે. આપને જણાવી દઈએ કે ભરુચની પાનોલી GIDCમાં આવેલી કંપનીમાં મુંબઈ એન્ટી નાર્કોટિક્સ સેલના વર્લી યુનિટે દરોડા પાડી અંદાજીત 513 કિલો એમડી ડ્રગ્સનો મોટો જથ્થો ઝડપ્યો હતો. જ્યારે આજે મંગળવારના રોજ ભરૂચ SOGએ ફરીથી રેડ કરીને અંદાજીત 80થી 90 કિલો MD ડ્રગ્સ પકડી પાડતા કુલ કિમત 1383 કરોડ થાય છે
અંદાજિત 1000 કરોડથી વધુ કિંમતનું 200 કિલોનું MD ડ્રગ્સ ઝડપાયું
આ તરફ બપોરે સાવલીના મોક્ષી ગામે વડોદરા SOG અને ગુજરાત ATS એમ બંને દ્વારા સંયુક્ત સર્ચ ઓપરેશન હાથ ધરવામાં આવ્યું હતું. મોડી રાત્રે ATS અને SOGએ દરોડા પાડ્યા હતા. દરમ્યાન નેક્ટર કેમ કેમિકલની ફેક્ટરીમાંથી ATSને અંદાજિત 1000 કરોડથી વધુ કિંમતનો 200 કિલો MD ડ્રગ્સનો જથ્થો હાથ લાગ્યો હતો. મહત્વનું છે કે, ડ્રગ્સના વજન માટે તોલમાપની એક ટીમ પણ બોલાવવામાં આવી હતી. આ મામલે FSLની ટીમ પણ ઘટના સ્થળે પહોંચી હતી.
નેક્ટર કેમ્પ કંપનીની ફેક્ટરીમાં વિવિધ પ્રકારના કેમિકલનું ઉત્પાદન થતું
મોક્ષી ગામમાં આવેલી નેક્ટર કેમ્પ કંપનીની ફેક્ટરીમાં વિવિધ પ્રકારના કેમિકલનું ઉત્પાદન થતું હોવાની માહિતી સામે આવી અને કંપનીની પાછળના ભાગે MD ડ્રગ્સ બનાવવામાં આવતુ હતું. આ માહિતી મળતા જ ગુજરાત ATS અને વડોદરા SOGના 25થી વધુની ટીમે ઘટનાસ્થળે જઇને દરોડા પાડ્યા હતા અને સર્ચ ઓપરેશન હાથ ધર્યું હતું. જેમાં ખૂબ જ મોટા પ્રમાણમાં MD ડ્રગ્સ મળી આવતા ઉચ્ચ અધિકારીઓ પણ ચોંકી ઉઠ્યા હતા.