વડોદરામાં કોંગ્રેસના 2 કોર્પોરેટર સામે એટ્રોસિટીની ફરિયાદ નોંધાઈ છે. ફરિયાદીની ફરિયાદના આધારે પોલીસે બંને કોર્પોરેટરોને પકડવાની કાર્યવાહી હાથ ધરી છે.
કોગ્રેસના બે કોર્પોરેટર સામે નોંધાઈ એટ્રોસિટીની ફરિયાદ
રેતી ખનન અટકાવવા ગયેલા કોર્પોરેટર સામે નોંધાઈ ફરિયાદ
કોર્પોરેટર અજય રાઠવા અને સુભાષ ભોજવાની સામે ફરિયાદ
પોલીસે બંને કોર્પોરેટરને પકડવાના ચક્રો ગતિમાન કર્યા
વડોદરા મહાનગરપાલિકાના કોગ્રેસના બે કોર્પોરેટર સામે એટ્રોસિટીની ફરિયાદ નોંધાઈ છે. કોંગ્રેસના કોર્પોરેટર અજય રાઠવા અને સુભાષ ભોજવાની સામે જગદીશ રોહિત નામના વ્યક્તિએ ફરિયાદ નોંધાવી છે. જાતિ વિષયક અપમાનને લઈને બંને કોર્પોરેટર સામે ફરિયાદ નોંધાઈ છે. હાલ પોલીસે પોલીસે બંને કોર્પોરેટરને પકડવાના ચક્રો ગતિમાન કર્યા છે. મહત્વનું છે કે, બે દિવસ પૂર્વે કોર્પોરેટર દ્વારા ડભોઈ નગરપાલિકા હદમાં થતું રેતી ખનન અટકાવવામાં આવ્યું હતું.
રેતી ખનન પર રાત્રિના સમયે કર્યો હતો હલ્લાબોલ
છેલ્લા કેટલાય સમયથી ડભોઈ તાલુકાના કરણેટ સહિત આસપાસના ગામોમાંથી ઓરસંગ નદીના પટ વિસ્તારમાં બિનઅધિકૃત રીતે રેતી અને માટીનું મોટાપાયે ખનન ચાલી રહ્યું હોવાની ફરિયાદો કરવામાં આવતી હતી તેમ છતાં વહીવટી તંત્ર આંખ આડા કાન કરી રહ્યું હતું. ત્યારે સ્થાનિકોની ફરિયાદોના આધારે ડોભોઈ નગરપાલિકાના કોંગ્રેસના કોર્પોરેટરોએ ભૂમાફિયા પર સપાટો બોલાવ્યો હતો. ડભોઈ નગરપાલિકાના કોંગ્રેસના કાઉન્સિલરોએ કરણેટ ગામે પાલિકાની હદ વિસ્તારમાં ચાલતા રેતી ખનન પર રાત્રિના સમયે હલ્લાબોલ કર્યો હતો.
રેતી ખનન અટકાવવા ગયેલા કોર્પોરેટર સામે નોંધાઈ ફરિયાદ
આ દરમિયાન ભૂમાફિયાઓએ કોર્પોરેટરો ઉપર ટ્રેક્ટર ચઢાવવાનો પ્રયાસ કર્યો હતો. કોંગ્રેસના કોર્પોરેટરો દ્વારા હલ્લાબોલ કરવામાં આવતા ભૂમાફિયાઓ ભાગવા લાગ્યા હતા. આ દરમિયાન 15 ટ્રેક્ટર પૈકી એક ટ્રેક્ટર પકડવામાં મળી સફળતા હતી. જે બાદ રાત્રિના સમયે આ સમગ્ર મામલે કોર્પોરેટરો દ્વારા પોલીસને જાણ કરવામાં આવી હતી. તેમજ પોલીસ સ્ટેશનમાં પહોંચી આ ઘટના અંગે લેખિતમાં ભૂમાફિયાઓના નામ જોગ અરજી આપવામાં આવી હતી. કોંગ્રેસ કોર્પોરેટરોના એક્શન બાદ જવાબદાર અધિકારીઓ સામે અનેક સવાલો થઈ રહ્યા હતા. ત્યારે હવે રેતી ખનન અટકાવવા ગયેલા કોર્પોરેટર અજય રાઠવા અને સુભાષ ભોજવાની સામે ફરિયાદ નોંધાવવામાં આવી છે.