આત્મનિર્ભર ભારત / રક્ષા મંત્રાલયનો મોટો નિર્ણય: હવે પ્રાઈવેટ કંપનીઓ બનાવશે સૈન્ય માટે હેલીકોપ્ટર, 25 ટકા નિકાસને પણ મંજૂરી

• આત્મનિર્ભર ભારત અભિયાનને વેગ મળશે
• રક્ષામંત્રાલય પ્રાઈવેટ સેક્ટરની ભાગીદારીને આપી મંજૂરી
• મેન્યૂઅલમાં સંશોધન કરવાના નિર્ણયને આપી મંજૂરી

આત્મનિર્ભર ભારત અભિયાનને પ્રોત્સાહન આપવા માટે સૈન્ય હાર્ડવેર ક્ષેત્રમાં રક્ષામંત્રાલયે પ્રાઈવેટ સેક્ટરને મેઝોરિટી ભાગીદારી સાથે પબ્લિક સેક્ટર યુનિટ એટલે કે, પીએસયૂ સાથે સહયોગ કરવા અને જરૂરી વેપન સિસ્ટમ બનાવવાની મંજૂરી આપવા માટે રક્ષા અધિગ્રહણ પ્રક્રિયા મૈન્યુઅલમાં સંશોધન કરવાનો નિર્ણય લીધો છે. મંત્રાલયના જણાવ્યા અનુસાર તેનું પરીક્ષણ ભારતીય મલ્ટી રોલ હેલીકોપ્ટરના ડેવલપમેન્ટ અને મેન્યુફેક્ચરિંગમાં કરવામાં આવશે. આ હેલીકોપ્ટરને રશિયાઈ હેલીકોપ્ટર Mi-17 અને Mi-18 ને બદલવાની યોજના છે. 

પ્રાઈવેટ સેક્ટરના સહયોગથી બનનારા આ IMRHનું વજન 13 ટન હશે અને તેને ભારતીય સશસ્ત્ર દળમાં હવાઈ હુમલા, એન્ટી સબમરીન, એન્ટી શિપ, મિલિટ્રી ટ્રાંસપોર્ટ અને વીવીઆઈપી રોલમાં ઉપયોગ થશે. એવું માનવામાં આવી રહ્યું છે કે, ભારતીય પ્રાઈવેટ કંપનીએ પહેલા પણ આ પ્રોજેક્ટમાં ભાગ લેવા માટે પોતાની ઉત્સુકતા જતાવી હતી અને રક્ષા મંત્રાલયે તેમને આગામી સાત વર્ષ માટે તેના નિર્માણનો નિર્દેશ આપ્યો છે. આ અગાઉ ફ્રાંસીસી સફ્રાને 8 જૂલાઈના રોજ ભારતીય એચએએલ સાથે એક કરાર પર સાઈન કર્યા છે, જેથી ઈંડિયન નેવી સહિત IMRH એન્જીનના ડેવલપ, પ્રોડ્યૂસ અને સપોર્ટ માટે એક નવી જોઈન્ટ વેંચર કંપની બનાવા જઈ રહી છે. 

25% નિકાસ કરવાની મંજૂરી મળી

અધિકારીઓના જણાવ્યા અનુસાર, ખાનગી ક્ષેત્રની કંપનીઓને તેમના ઉત્પાદનના 25 ટકા નિકાસ કરવાની અને દેશ માટે વિદેશી રકમ કમાવવાની મંજૂરી આપવામાં આવશે. ભારતીય સશસ્ત્ર દળોને વિકસિત IMRH મેળવવા માટે કહેવામાં આવ્યું છે જે આગામી સાત વર્ષમાં લાગુ કરવામાં આવનાર છે. ખાનગી ક્ષેત્રની કંપનીઓએ સંરક્ષણ મંત્રાલય પાસેથી ખાતરી માંગી છે કે ભારતીય સશસ્ત્ર દળોએ IMRH ખરીદવું જોઈએ, પછી ભલે તે સમયરેખા અને નાણાંની બચત સાથે આગામી પાંચ વર્ષમાં બનાવવામાં આવે.

ખાનગી ક્ષેત્રને 51 ટકા મળશે

ખાનગી ક્ષેત્રને 51 ટકા હિસ્સો હસ્તગત કરવા અને ભારતીય જાહેર સંસ્થા સાથે સંયુક્ત સાહસ બનાવવાની મંજૂરી આપવાનો નિર્ણય લેવામાં આવ્યો છે, જેથી તેની કિંમતમાં ઘટાડો કરી શકાય. ઉપરાંત, વિલંબને કારણે, મોદી સરકાર પાસે અન્ય દેશોમાંથી ખૂબ જ જરૂરી મશીનો ટેન્ડર અથવા સરકારી માર્ગ દ્વારા ખરીદવા સિવાય કોઈ વિકલ્પ નહોતો.