તમારા કામનું / ATMમાંથી ફાટેલી નોટ નિકળે તો શું કરવું? ચિંતા ના કરો આ રીતે મળી જશે નવી નોટ, જાણો પ્રોસેસ

• ATMમાંથી ફાટેલી નોટ નિકળે તો શું કરવું? 
• ચિંતા કરવાની જરૂર નથી 
• કરો ફક્ત આટલું કામ 

હવે ATMમાંથી રોકડ ઉપાડવું યુઝર ફ્રેન્ડલી બની ગયું છે. પરંતુ, ઘણી વખત ATMમાંથી પૈસા ઉપાડતી વખતે ફાટેલી નોટો બહાર આવે છે. જેના કારણે સમસ્યા સર્જાય છે. આ ફાટેલી નોટો તમારા માટે કોઈ કામની નથી હોતી અને તમે મુશ્કેલીમાં મુકાઈ જાઓ છો. પણ હવે તમારે ચિંતા કરવાની જરૂર નથી. તમે ATMમાંથી ફાટેલી નોટો પણ સરળતાથી કાઢી શકો છો. ચાલો જાણીએ તેની પ્રક્રિયા.

ફાટેલી નોટો કેવી રીતે બદલવી?
જો ATMમાંથી ફાટેલી નોટો નિકળે તો તેને બદલવા માટે તમારે તે બેંકને અરજી કરવી પડશે જેના ATMમાંથી રોકડ ઉપાડવામાં આવે છે. આ એપ્લિકેશનમાં ATMની તારીખ, સમય અને સ્થાન લખવાનું રહેશે. ઉપરાંત તમારે ઉપાડની સ્લિપ જોડવી પડશે. જો તમારી પાસે સ્લિપ નથી, તો તમારે તમારા મોબાઈલ પર આવેલા મેસેજની વિગતો આપવી પડશે. 

હકીકતે આરબીઆઈની ગાઈડલાઈન અનુસાર કોઈપણ સરકારી બેંક નોટ બદલવા માટે ઈનકાર ન કરી શકે. આવી સ્થિતિમાં હવે તમે સરળતાથી ફાટેલી નોટો બદલી શકો છો અને આ પ્રક્રિયામાં વધુ સમય લાગતો નથી.

બેંકે આપી માહિતી 
ટ્વિટર પર એક ગ્રાહકની ફરિયાદની માહિતી આપતા બેંકે જણાવ્યું કે આ સ્થિતિમાં ગ્રાહકે શું પગલાં લેવા જોઈએ. એસબીઆઈએ તેના સત્તાવાર ટ્વિટર એકાઉન્ટ પર આ માહિતી આપી, 'કૃપા કરીને ધ્યાન આપો કે અમારા ATMમાં લોડ થતા પહેલા નોટોને અત્યાધુનિક નોટ સોર્ટિંગ મશીન દ્વારા ચેક કરવામાં આવે છે. આથી ગંદી/ફાટેલી નોટોનું વિતરણ અશક્ય છે. જો કે, તમે અમારી કોઈપણ શાખામાંથી નોટો બદલાવી શકો છો.

ફરિયાદ કેવી રીતે કરવી? 
બેંકે કહ્યું છે કે  https://crcf.sbi.co.in/ccf/ under General Banking// Cash Related categoryમાં તમે ફરિયાદ કરી શકો છો. આ લિંક સ્ટેટ બેંક ઓફ ઈન્ડિયાના ATM માટે છે. રિપોર્ટ અનુસાર, કોઈપણ બેંક ATMમાંથી ફાટેલી નોટો બદલવાની ના પાડી શકે નહીં. તેમ છતાં, જો બેંકો નિયમોનું ઉલ્લંઘન કરે છે, તો બેંક કર્મચારીઓ સામે કાર્યવાહી થઈ શકે છે. ગ્રાહકની ફરિયાદના આધારે બેંકને 10 હજાર સુધીનું નુકસાન પણ ચૂકવવું પડી શકે છે.