આર્થિક સંકટ / કોરોના ઈફેક્ટ : આ ફેક્ટરી બંધ થતાં તમારા બાળપણની યાદો હવે બસ યાદોમાં જ રહી જશે

એટલસે ઉત્તર પ્રદેશમાં ગાઝિયાબાદના કારખાના ચલાવાને લઇને હવે હાથ ઉપર કરી દીધા છે. કંપની તરફથી અહીના કારીગરોને એક નોટિસ આપવામાં આવી છે. આ નોટિસમાં કારખાના તરફથી જણાવામાં આવ્યું છે કે માલિક પાસે રૂપિયા ન હોવાથી કામ કરનારાઓ લે ઓફ લઇ લે. 

લે-ઓફ નોટિસ ઇશ્યું કરી

કંપની તરફથી જાહેર કરવામાં આવેલી નોટિસમાં જણાવાયું છે કે છેલ્લા કેટલાંક વર્ષોથી ભારે આર્થિક સંકટમાંથી પસાર થઇ રહી છે. કંપનીએ બધા ઉપલબ્ધ ફંડ ખર્ચ કરી નાંખ્યાં છે. હવે સ્થિતિ એ છે કે કંપનીની પાસે કોઇ ઇન્કમ સોર્સ બચ્યાં નથી. જો કે સ્થિતિ એવી છે કે હાલ કંપની પાસે દૈનિક ખર્ચ માટે પણ રૂપિયા ઉપલબ્ધ નથી. 

 

આર્થિક સંકટમાંથી પસાર થઇ રહી છે કંપની

કારખાનાની નોટિસમાં કહેવામાં આવ્યું છે કે કંપની છેલ્લા કેટલાંક વર્ષોથી ભારે આર્થિક સંકટમાંથી પસાર થઇ રહી છે. કંપનીમાં ઉપલબ્ધ બધા ફંડ ખર્ચ કરી નાંખવામાં આવ્યાં છે. હવે સ્થિતિ એવી છ કે કંપની પાસે ઇન્કમનો કોઇ રસ્તો રહ્યો નથી. 

કર્મચારીઓએ કર્યો વિરોધ

લોકડાઉનમાં કંપનીનું ઉત્પાદન ન થવાના કારણે આર્થિક સંકટમાં ચાલી રહેલી સાહિબાબાદ ઔદ્યોગિક ક્ષેત્ર સાઇટ-4ની એટલસ કંપનીએ પોતાના ઘણા કર્મચારીઓને લે-ઓફ કરી દીધા છે. કંપનીની નોટિસને લઇને કર્મચારીઓમાં ગુસ્સો જોવા મળ્યો અને તેઓએ કંપનીના ગેટ પાસે વિરોધ વ્યક્ત કર્યો. 

કર્મચારીઓની નોકરી ખતરામાં

ઉલ્લેખનીય છે કે સાહિબાબાદમાં આવેલ આ કારખાનું બંધ થવાના કારણે અહી કામ કરી રહેલા કર્મચારીઓમાં હડકંપ મચી ગયેલો જોવા મળ્યો. એક કર્મચારીએ જણાવ્યું કે કારખાનું બધ થવાથી અંદાજે લગભગ 450 કર્મચારીઓમાં સીધી રીતે તેની અસર જોવા મળશે. જ્યારે આડકતરી રીતે જો જોઇએ તો ફેકટરી બંધ થવાથી અંદાજે 700 કર્મચારીઓ પર તેની અસર પડશે.