ઉત્તરપ્રદેશ / પ્રયાગરાજમાં જે જમીન પર હતો અતીક અહેમદનો કબ્જો, ત્યાં આજે ગરીબોના નિવાસ માટે ફ્લેટ બનીને તૈયાર

• માફિયા અતીક અહેમદની હત્યા બાદ દરરોજ નવી અપડેટ
• એક સમયે જે જમીન પર હતો અતીકનો દબદબો
• આજે એ જ જમીન પર ગરીબોના નિવાસ માટે ફ્લેટ બનાવાયા 

માફિયા અતીક અહેમદની હત્યા બાદ દરરોજ નવી અપડેટ સામે આવતી રહે છે. આ દરમિયાન સામે હાલમાં જે જમીન પર અતીકે ગેરકાયદેસર કબજો કર્યો હતો તે જમીનને યોગી સરકારે મુક્ત કરાવી તેના પર હાલ  ગરીબોના નિવાસ માટે ફ્લેટ બનાવવામાં આવ્યા છે. પ્રયાગરાજમાં આ કહેવત ખૂબ પ્રચલિત છે કે જે જમીન પર અતીકની નજર પડી તે જમીન તેની જ હતી. અતીક તે જમીન મેળવવા માટે તે કોઈપણ હદ સુધી જશે. 

ઉત્તર પ્રદેશના લુકરગંજના પ્લોટ પર અતિક અહેમદ દ્વારા અતિક્રમણ કરવામાં આવ્યું હતું. જોકે બાદમાં યોગી આદિત્યનાથ સરકારે અતિક્રમણમાંથી મુક્ત કરાવ્યું હતું અને હવે અહીં ગરીબો માટે ઘર બનાવવાનું કામ ચાલી રહ્યું છે. લુકરગંજના સ્થાનિક લોકો જણાવે છે કે, એક સમયે આ જમીન ડેવિડની હતી. આ ડેવિડની પૈતૃક જમીન હતી અને તેણે આ જમીન પર પોતાનો બંગલો બનાવ્યો હતો. ડેવિડે આંબાના ઝાડથી લઈને તેના બંગલા સુધી સુંદર છોડથી સજાવ્યું હતું. બાદમાં અતીક અહેમદે ડેવિડ ની આ જમીન જોઈ અને પછી તે જ થયું, જે પ્રયાગરાજમાં થાય છે.

યોગી સરકારે જમીન મુક્ત કરી
લુકરગંજના સ્થાનિક રહેવાસીએ એક ખાનગી મીડિયાને જણાવ્યું કે આ જમીનને અતીકના ચુંગાલમાંથી મુક્ત કરાવવાનું કોઈ વિચારી પણ ન શકે. રાજ્યમાં યોગી આદિત્યનાથની સરકાર બન્યા બાદ અતીક અહેમદના આ ગેરકાયદે કબજામાંથી જમીન ખાલી કરવામાં આવી હતી. મુખ્યમંત્રી યોગી આદિત્યનાથે માફિયા અતીક અહેમદના કબજામાંથી મુક્ત કર્યા બાદ અહીં ગરીબો માટે આવાસ બનાવવાનું વિચાર્યું. પ્રધાનમંત્રી આવાસ યોજના હેઠળ અહીં મકાનોનું નિર્માણ શરૂ થયું. હાલમાં અહીં 76 મકાનો બની રહ્યા છે.

આ વર્ષે મકાનો તૈયાર થઈ જશે
વિગતો મુજબ આ 1731 ચોરસ મીટર જમીન પર PM આવાસ યોજના હેઠળ બનેલા મકાનો આ વર્ષે તૈયાર થઈ જશે. યોગી આદિત્યનાથે બે વર્ષ પહેલા આ પ્રોજેક્ટનું ભૂમિપૂજન કર્યું હતું. તેની કિંમત 3.5 લાખ હશે. અત્યાર સુધીમાં લગભગ 6,500 ગરીબોએ આ માટે અરજી કરી છે. અહીં માત્ર 76 મકાનો બની રહ્યા છે, જેના માટે મોટી સંખ્યામાં લોકોએ અરજી કરી છે. આવી સ્થિતિમાં વહીવટીતંત્ર પાસેથી મળેલી માહિતી અનુસાર લોકોને લોટરી સિસ્ટમ દ્વારા ઘરની ફાળવણી કરવામાં આવશે. આ પ્રોજેક્ટમાં કોમ્યુનિટી હોલ અને એક નાનો પાર્ક પણ છે.