વખાણ / KL રાહુલની ઈનિંગ પર અથિયા શેટ્ટીની પોસ્ટ વાયરલ, આવી રીતે પતિ પર લૂંટાવ્યો પ્રેમ

• રાહુલની લડાયક ઇનિંગ્સના દરેક લોકો વખાણ કરી રહ્યા છે
• 75 રનની ઇનિંગના કારણે ભારતીય ટીમ પ્રથમ મેચ 5 વિકેટે જીતી શકી હતી
• આથિયા શેટ્ટીએ પણ તેના પતિ માટે એક પોસ્ટ શેર કરી

ઓસ્ટ્રેલિયા સામેની ટેસ્ટ શ્રેણીમાં  કેએલ રાહુલે વનડે શ્રેણીની પ્રથમ મેચમાં જબરદસ્ત બેટીંગ કરી હતી.તેની 75 રનની ઇનિંગના કારણે ભારતીય ટીમ પ્રથમ મેચ 5 વિકેટે જીતી શકી હતી. કેએલ રાહુલ જ્યારે ક્રિઝ પર આવ્યો ત્યારે ભારતીય ટીમે 5 ઓવરમાં ત્રણ વિકેટ ગુમાવી દીધી હતી. આ પછી ભારતની વધુ બે વિકેટ પડી હતી, પરંતુ રાહુલે જાડેજા સાથે મળીને એક છેડો સંભાળીને ટીમને જીત સુધી પહોંચાડી હતી.રાહુલની લડાયક ઇનિંગ્સના દરેક લોકો વખાણ કરી રહ્યા છે અને હવે તેમાં તેની પત્ની આથિયા શેટ્ટીનું નામ પણ જોડાઈ ગયું છે. 

કેએલ રાહુલ બોર્ડર ગાવસ્કર ટ્રોફી 2023ની ત્રણ ઇનિંગ્સમાં માત્ર 38 રન જ બનાવી શક્યો હતો પરંતુ વનડેમાં તેણે પાંચમા નંબરે પોતાનું સ્થાન વધુ મજબૂત કર્યું છે.રાહુલે જાડેજા સાથે છઠ્ઠી વિકેટ માટે 108 રનની ભાગીદારી કરી, ટીમ ઈન્ડિયાને શરૂઆતના આંચકામાંથી બહાર કાઢવામાં મદદ કરી અને જીત માટે 189 રનના લક્ષ્યાંકનો પીછો કર્યો.આ ઇનિંગ રાહુલને વધુ આત્મવિશ્વાસ આપશે, કારણ કે છેલ્લા કેટલાક મહિનામાં તેના બેટમાંથી રન નથી આવ્યા. 

હરભજન સિંહ અને વેંકટેશ પ્રસાદ જેવા ક્રિકેટરોએ રાહુલની ઇનિંગ પર પ્રતિક્રિયા આપી અને હવે તેની પત્ની અને બોલિવૂડ અભિનેત્રી આથિયા શેટ્ટીએ પણ તેના પતિ માટે એક પોસ્ટ શેર કરી.તેણે કેએલ રાહુલની અડધી સદી પૂરી કર્યા બાદ તેની તસવીર શેર કરી છે.આથિયા શેટ્ટી સિવાય તેના ભાઈ અહાન શેટ્ટીએ પણ કેએલ રાહુલના વખાણ કર્યા હતા અને લખ્યું હતું કે, "ભોળો સિંહ બને ત્યાં સુધી આગળ વધો."