પ્રેમ ગમે તેટલો છૂપાવો પરંતુ લોકો સુધી પ્રેમી પંખીડાઓનું લોકેશન પહોંચી જતુ હોય છે તેવું જ કંઇક આથિયા શેટ્ટી અને KL રાહુલ સાથે થયુ છે.
આથિયા શેટ્ટી આ ક્રિકેટરના પ્રેમમાં?
ઇંગ્લેન્ડમાં કરી રહી છે એન્જોય
જેકેટે ખોલી નાખી એક્ટ્રેસની પોલ
રુમર્ડ કપલ પોતાની રિલેશનશીપને લઇને કંઇ પણ કહેવાથી બચે છે પરંતુ હાલમાં જ સોશ્યલ મિડીયા પર એવી તસવીર વાયરલ થઇ છે જેને જોઇને ચોક્કસથી તમે પણ આશ્ચર્ય પામશો. ટીમ ઇન્ડિયા ઇંગ્લેન્ડ પ્રવાસ પર છે અને KL રાહુલ ક્રિકેટમાંથી મળેલ બ્રેકને એન્જોય કરી રહ્યો છે.
સોશ્યલ મિડીયા પર એક્ટિવ રહેનાર KL રાહુલે ઇન્સ્ટા પર ફેન્સ સાથે વાત કરતી વખતે એવી તસવીર શૅર કરી દીધી કે મુશ્કેલીમાં ફસાઇ ગયો હતો. રાહુલે એક ફેનના પ્રશ્નના જવાબમાં એક છોકરી સાથેની તસવીર શૅર કરી હતી.
જેકેટે ખોલી પોલ
આ તસવીરમાં જે છોકરી નજર આવી રહી છે તે આથિયા અને KL રાહુલની કોમન મિત્ર સોનાલી છે. આથિયાએ પણ પોતાની સ્ટોરીમાં કેટલીક તસવીરો શૅર કરી હતી. જેમાં સોનાલી તે જ જેકેટમાં નજર આવી જેમાં તે રાહુલ સાથે હતી. આ ઘટના પરથી તે કહેવુ ખોટુ નથી કે આથિયા અને રાહુલ એકબીજા સાથે છૂપાઇને મુલાકાતો કરી રહ્યાં છે.
રાહુલ આથિયાની રિલેશનશીપ ચર્ચામાં
લાંબા સમયથી રાહુલ અને આથિયા શેટ્ટી એકબીજા સાથે રિલેશનશીપમાં છે તેવી અફવા ઉડી રહી છે પરંતુ કપલે ક્યારેય પોતાના સંબંધોને લઇને ખુલાસો કર્યો નથી. આથિયાના વર્કફ્રન્ટની વાત કરવામાં આવે તો તે ઘણા સમયથી કોઇ ફિલ્મમાં નજર આવી નથી. છેલ્લી વાર આથિયા નવાઝુદ્દીન સિદ્દિકી સાથે મોતીચૂક ચકનાચૂરમાં દેખાઇ હતી.