મોટો ઝટકો / મોંઘી થશે હવાઈ મુસાફરી: ATFની કિંમતો રેકોર્ડ સ્તર પર પહોંચી, આ વર્ષમાં સતત આઠમો વધારો

• હવાઈ મુસાફરી કરતા મુસાફરોને લાગશે મોટો ઝટકો
• વિમાન ઈંધણના ભાવમાં થયો વધારો
• આવનારા સમયમાં વિમાન ભાડામાં વધારો આવશે

હવાઈ મુસાફરી કરવી હવે મોંઘી થઈ શકે છે. હકીકતમાં આંતરરાષ્ટ્રીય સ્તર પર ઓયલના ભાવમાં જે રીતે વધારો આવ્યો છે, તેને જોતા ઈંધણ તરીકે ઉપયોગમાં લેવાતા ATF (Aviation Turbine Fuel) ની કિંમતોમાં શનિવારે 0.2 ટકાનો વધારો કરવામાં આવ્યો છે. આ એટીએફની કિમતોમાં થયેલા વધારો આ વર્ષે સતત આઠમી વાર છે. 

સાર્વજનિક તેલ કંપનીઓ તરફથી જાહેર નોટિફિકેશ મુજબ એટીએફના ભાવમાં 277.5 રૂપિયા પ્રતિ કિલોલીટર એટલે કે, 0.2 ટકાનો વધારો કરવામાં આવ્યો છે. આ મૂલ્ય વધારા બાદ રાજધાની દિલ્હીમાં એટીએફના ભાવ 1,13,202.33 રૂપિયા પ્રતિ કિલોલીટર થઈ ગયા છે. આવી જ રીતે એટીએફની કિંમત રેકોર્ડ સ્તર પર પહોંચી ગઈ છે. 

સતત 10માં દિવસે વધ્યા પેટ્રોલ અને ડીઝલના ભાવ

આ તમામની વચ્ચે પેટ્રોલ અને ડીઝલના ભાવ સતત દશમાં દિવસે પણ અપરિવર્તિત બની રહ્યા છે. આ અગાઉ લગભગ બે અઠવાડીયામાં પેટ્રોલ અને ડીઝલના ભાવમાં 10-10 રૂપિયા પ્રતિ લીટરે વધારો થયો હતો. આપને જણાવી દઈએ કે, ઈંધણની કિંમતોમાં દર મહિનાની પ્રથમ તારીખ અને 16મી તારીખે સંશોધન કરવામાં આવે છે. જ્યારે તેલ કંપનીઓ પેટ્રોલ અને ડીઝલના ભાવમાં દૈનિક આધાર પર ફેરફારની છૂટ કરી શકે છે. 

16 માર્ચે એટીએફની કિંમતમાં 18.3 ટકાનો વધારો કર્યો હતો

એટીએફની કિમતોમાં 16 માર્ચે 18.3 ટકાનો વધારો કર્યો હતો, જે બાદ એક એપ્રિલે પણ તેના ભાવમાં બે ટકાનો વધારો કરવામાં આવ્યો હતો. હાલમાં કિંમતમાં આવેલા વધારા બાદ મુંબઈમાં એટીએફની કિમંત હવે 1,11,981.99 રૂપિયા પ્રતિ કિલોલીટર થઈ ગઈ છે, જ્યારે કલકત્તામાં તેની કિંમત 1,17,753.60 રૂપિયા અને ચેન્નાઈમાં 1,16,933.49 રૂપિયા પ્રતિ કિલો લીટર થઈ ગઈ છે. 

પોતાની તેલ જરૂરિયાતોને પુરી કરવા માટે 85 ટકા આયાત પર નિર્ભર ભારતમાં પેટ્રોલિયમ ઉત્પાદનોની કિંમતોમાં હાલમાં થયેલા વધારાને આંતરરાષ્ટ્રીય સ્તર પર ક્રૂડ ઓયલના ભાવમાં વધારાનું પરિણામ છે. આ ઉપરાંત મહામારીમાંથી ઉભરી રહેલી અર્થવ્યવસ્થામાં તેલની માગ પણ વધી રહી છે.