પેન્શન / કેન્દ્ર સરકારની આ યોજનામાં દર મહિને મળે છે 5000 રૂપિયા, લાભ લેવા માટે ફટાફટ કરી લો આ કામ

• અટલ પેન્શન યોજનાનો લાભ લો 
• વર્ષે 60000 રૂપિયા મળશે પેન્શન 
• નાની ઉંમરથી ઇનવેસ્ટ કરશો તો મળશે લાભ

અટલ પેન્શન યોજનામાં તમને 1000થી 5000 રૂપિયા મહિનો પેન્શનની ગેરંટી મળે છે. 40 વર્ષની ઉંમર સુધી વ્યક્તિ અટલ પેન્શન યોજના માટે આવેદન કરી શકે છે. અટલ યોજનાનો હેતુ છે કે દરેક તબક્કાને પેન્શન હેઠળ લાવવો. જોકે, પેન્શન ફંડ રેગ્યુલેટરી એન્ડ ડેવલપમેન્ટ ઓથોરિટી (PFRDA)એ સરકારથી અટલ પેન્શન યોજના હેઠળ મહત્તમ ઉંમર વધારવાની ભલામણ કરી છે. 

તમે જેટલી જલ્દી આ યોજના સાથે જોડાશો એટલું જ જલ્દી ફાયદો મેળવી શકશો. જો તમે 
18 વર્ષમાં રોકાણ કરવાનું શરૂ કરો છો, તો 60 વર્ષની ઉંમર બાદ દર 5000 રૂપિયાના માસિક પેન્શન માટે તમારે દર મહિને 210 રૂપિયા જમા કરાવવા પડશે. સરકાર દર 6 મહિનામાં ફક્ત 1,239 રૂપિયાના રોકાણ પર 60 વર્ષની વયે વાર્ષિક 5000 રૂપિયા આજીવન પેન્શનની ગેરંટી આપી રહી છે. હાલના નિયમો પ્રમાણે 18 વર્ષની ઉંમરે જો તમે વધુમાં વધુ દર મહિને 5000 રૂપિયા પેન્શન માટે જોડાવો છો તો તમારે દર મહિને 210 રૂપિયા આપવા પડશે. 

આ યોજનામાં જેટલું જલ્દી જોડાશો એટલું જ ઓછું રોકાણ કરવું પડશે

સરકારની આ યોજનામાં તમે જેટલી નાની ઉંમરમાં જોડાશો પ્રીમિયમ એટલું જ ઓછું અને ફાયદા એટલા જ વધારે મળશે. માની લો કે તમે 5000 પેન્શન માટે 35 વર્ષની ઉંમરે જોડાવો છો તો 25 વર્ષ સુધી દર 6 મહિને 5,323 રૂપિયા જમા કરવા પડશે. એવામાં તમારું કુલ રોકાણ 2.66 લાખ હશે. જેના પર તમને દર મહિને 5 હજાર માસિક પેન્શન મળશે. જ્યારે 18 વર્ષની ઉંમરે જોડાવા પર તમને કુલ રોકાણ માત્ર 1.04 લાખ રૂપિયાનું થશે. 

અટલ પેન્શન યોજનાની ખાસિયતો

• તમે પેમેન્ટ માટે મંથલી, ત્રિમાસિક કે 6 માસિક પ્લાન લઇ શકો છો, 
• આ ઇનવેસ્ટમેન્ટ માટે તમારે 42 વર્ષ સુધી પૈસા ભરવા પડશે
• ઇનવેસ્ટમેન્ટના બદલામાં 60 વર્ષ બાદ દર મહિને 5000 રૂપિયા મળશે. 
• ઇન્કમ ટેક્સના નિયમો હેઠળ 80સીસીડી હેઠળ ઇન્કમટેક્સ છૂટનો ફાયદો મળશે. 
• 60 વર્ષ પહેલા જો વીમાધારકનું મોત થાય છે તો રકમ વાઇફને મળશે. 
• પતિ-પત્ની બંને મૃત્યુ પામશે તો રકમ નોમિનીને મળશે.