તમારા કામનું / ફક્ત 7 રૂપિયા બચાવી મેળવો 60 હજારનું પેન્શન, TAXમાં પણ મળશે છુટ, જાણો કઈ રીતે મેળવશો લાભ

• વૃદ્ધાવસ્થાની ચિંતા છોડો 
• સરકારની આ યોજનામાં કરો રોકાણ 
• રિટાયરમેન્ટ પછી થશે લાભ 

વૃદ્ધા વસ્તાના ખર્ચાની ચિંતા દરેકને હોય છે. જો તમે પણ પોતાના રિટાયરમેન્ટને સિક્યોર કરવા માટે સુરક્ષિત રોકાણ કરવાનો પ્લાન બનાવી રહ્યા છો તો સરકારની અટલ પેન્શન યોજનામાં (Atal Pension Yojana- APY) રોકાણ કરી શકો છો. 

અટલ પેન્શન યોજનાની શરૂઆત વર્ષ 2015માં થઈ હતી. જોકે, તે સમયે આ યોજના અસંગઠિત ક્ષેત્રોમાં કામ કરતા લોકો માટે શરૂ કરવામાં આવી હતી. પરંતુ હવે 18થી 4 વર્ષના કોઈ પણ ભારતીય નાગરિક આ યોજનામાં રોકાણ કરી પેન્શનનો લાભ લઈ શકે છે. જેમની પાસે બેન્ક અથવા પોસ્ટ ઓફિસમાં એકાઉન્ટ છે તે તેમાં સરળતાથી રોકાણ કરી શકે છે. આ યોજનામાં 60 વર્ષ બાદ જમાકર્તાઓને પેન્શન મળવાનું શરૂ થઈ જાય છે. 

શું છે અટલ પેન્શન યોજના 
અટલ પેન્શન સ્કીમ (Atal Pension Yojana- APY) એક એવી સરકારી યોજના છે જેમાં તમારા દ્વારા કરવામાં આવેલું રોકાણ તમારી ઉંમર પર આધાર કરે છે. આ યોજના હેઠળ તમારે ઓછામાં ઓછા 1000 રૂપિયા, 2000 રૂપિયા, 3000 રૂપિયા, 4000 રૂપિયા અને વધુમાં વધુ 5,000 રૂપિયા માસિક પેન્શન મળી શકે છે. આ સુરક્ષિત રોકાણ છે જેમાં જો તમે રજીસ્ટ્રેશન કરાવવા માંગો છો તો તમારી પાસે સેવિંગ્સ એકાઉન્ટ, આધાર નંબર અને એક મોબાઈલ નંબર હોવો જોઈએ. 

શું છે આ યોજનાના બેનિફિટ
આ યોજના હેઠળ 18થી 40 વર્ષના લોકો અટલ પેન્શન યોજનામાં પોતાનું નોમિનેશન કરી શકે છે. તેના માટે અરજી કરનાર પાસે બેન્ક અથવા પોસ્ટ ઓફિશમાં સેવિંગ એકાઉન્ટ હોવું જરૂરી છે. સાથે જ ધ્યાન રાખો કે તમારી પાસે ફક્ત એક અટલ પેન્શન એકાઉન્ટ હોઈ શકે છે. 

આ યોજના હેઠળ તમે જેટલું જલ્ગી રોકાણ કરશો તમને તેનો વધુ ફાયદો મળશે. જો કોઈ વ્યક્તિ 18 વર્ષની ઉંમરમાં અટલ પેન્શન યોજના સાથે જોડાય છે તો તેને 60 વર્ષની ઉંમર બાદ દર મહિને 5000 રૂપિયા માસિક પેન્શન માટે દર મહિને 210 રૂપિયા જમા કરાવવાના રહેશે. આ રીતે આ યોજના સારા પ્રોફિટ વાળી યોજના છે.  

કઈ રીતે મળશે 5000 રૂપિયા માસિક પેન્શન 
આ યોજનામાં જો તમે દરરોજ 7 રૂપિયા જમા કરો છો તો તમે દરરોજ 5000 રૂપિયા પેન્શન મેળવી શકો છો. ત્યાં જ દર મહિને 1000 રૂપિયાનું માસિક પેન્શન મેળવવા માટે દરરોજ ફક્ત 42 રૂપિયા જમા કરવાના રહેશે અને દરરોજ 2000 રૂપિયા પેન્શન માટે 84 રૂપિયા, 3000 રૂપિયા માટે 126 રૂપિયા અને 4000 રૂપિયા માસિક પેન્શન માટે દર મહિને 168 રૂપિયા જમા કરાવવાના રહેશે. 

ટેક્સ બેનિફિટ્સ 
અટલ પેન્શન યોજનામાં રોકાણ કરનાર લોકોને ઈનકમ ટેક્સ એક્ટ 80C હેઠળ 1.5 લાખ રૂપિયા સુધીનું ટેક્સ બેનિફિટ પણ મળે છે. તેમાંથી ટેક્સેબલ ઈનકમને ઘટાડી દેવામાં આવે છે. તે ઉપરાંત અમુક કેસમાં 50,000 રૂપિયા સુધીના ટેક્સ બેનિફિટ મળે છે. કુલ મળીને આ યોજનામાં 2 લાખ રૂપિયા સુધીનું ડિડક્શન મળે છે. 

60 વર્ષથી પહેલા મૃત્યુ થવા પર શું છે જોગવાઈ 
આ યોજનામાં એવી જોગવાઈ છે કે જો 60 વર્ષ પહેલા જ યોજના સાથે જોડાયેલા વ્યક્તિનું મોત થાય છે તો પછી તેની પત્ની/ પતિ આ યોજનામાં પૈસા જમા કરાવી શકે છે અને 60 વર્ષ બાદ દર મહિને પેન્શન મેળવી શકે છે. એક વિકલ્પ એ પણ છે તે વ્યક્તિની પત્ની પોતાના પતિના મોત બાદ જમા રકમનો દાવો કરી શકે છે. જો પત્નીનું પણ મોત થઈ જાય છે તો રકમ તેના નોમિનીને આપી દેવામાં આવે છે.