જો તમે હજી સુધી અટલ પેન્શન યોજના (APY)માં સબસ્ક્રાઈબ નથી કર્યું તો જલ્દીથી કરી લો, કારણ કે સરકાર વર્ષ 2020ના બજેટમાં પેન્શનની રકમ વધારવા અંગે વિચારણા કરી રહી છે. જેને વધારીને દર મહિને 10 હજાર રૂપિયા કરી શકાય છે. 18થી 40 વર્ષની વયની કોઈપણ વ્યક્તિ આ યોજનાનો લાભ લઈ શકે છે. વર્ષ 2020ના બજેટમાં સરકાર વય મર્યાદામાં પણ વધારો કરી શકે છે.
વર્ષ 2020ના બજેટમાં વધી શકે છે પેન્શન
અટલ પેન્શન યોજનાનો લાભ ઉઠાવી લો
સરકાર વય મર્યાદામાં પણ વધારો કરી શકે છે
APYના બે ફાયદા છે, પ્રથમ પેન્શન અને બીજો આવકવેરામાં છૂટ. આ યોજના 60 વર્ષથી ઓછી વયના લોકોને 1000થી 5000 રૂપિયા સુધીની લઘુતમ ગેરંટીડ માસિક પેન્શન આપે છે. એક રિપોર્ટ મુજબ, PFRDAએ આ વખતે નાણાં મંત્રાલયને સલાહ આપી છે. PFRDAના સભ્ય સુપ્રતિમ બંદ્યાયોપાધ્યાયે કહ્યું કે, નાણાં મંત્રાલયને પેન્શનની રકમ અને વય મર્યાદામાં વધારો કરવાની ભલામણ કરી છે.
અસંગઠિત ક્ષેત્ર માટે પેન્શન
મોદી સરકારે 2015માં APYની શરૂઆત કરી હતી. આને અસંગઠિત ક્ષેત્રના લોકો માટે બનાવવામાં આવી હતી. 40 વર્ષની ઉંમર સુધી આ યોજનામાં ખાતું ખોલી શકાય છે.
આવકવેરામાં છૂટ
તમે APY ખાતામાં જે પણ રકમ જમા કરશો તેના પર તમને આવકવેરામાં છૂટ મળશે. આ માટે, ખાતામાં જમા રકમની રસીદ બતાવવી પડશે.
NPSથી કેટલું અલગ છે APY
આ યોજના રાષ્ટ્રીય પેન્શન સિસ્ટમ (NPS)થી અલગ છે. NPSમાં 6જ વર્ષની ઉંમર સુધી જમા કરેલી રકમ અનુસાર પેન્શન નક્કી થાય છે, જ્યારે APYમાં પેન્શન 1,000થી 5,000 રૂપિયાની વચ્ચે નક્કી કરવામાં આવે છે. કેટલી પેન્શન મળશે તે દર મહિને જમા કરવામાં આવતી રકમ પર આધાર રાખે છે.
NPS Lite
PFRDAએ 1 એપ્રિલ 2010ના રોજ NPS Lite લોન્ચ કરી હતી. PFRDAએ NPS-lite માટે સેન્ટ્રલ રેકોર્ડકીપિંગ એજન્સી (CRA) તરીકે NSDL ઇ-ગવર્નન્સ ઇન્ફ્રાસ્ટ્રક્ચર લિમિટેડની નિમણૂક કરી છે. ભારતમાં CRAએ એ તમામ પ્રકારની NPS Liteના તમામ ખાતાધારકો માટે રેકોર્ડકીપિંગ, મેનેજમેન્ટ અને ગ્રાહક સેવા હાથ ધરી છે.
એપ્લિકેશનથી પેન્શન મેળવો
જો તમને તમારા APY અકાઉન્ટની સંપૂર્ણ માહિતી જોઈતી હોય, તો આ માટે તમારે તમારા મોબાઇલ પર APY એપ્લિકેશન ડાઉનલોડ કરવી પડશે. આ વિશે NSDL વેબસાઇટ પરથી પણ જાણી શકાય છે.