ભારતના પૂર્વ પ્રધાનમંત્રી અને ભારત રત્ન અટલ બિહારી વાજપેયી પંચમહાભૂતમાં વિલીન થઇ ગયા છે. પોતાના કાર્યકાળમાં અટલજીએ ઘણા એવા નિર્ણય કર્યા જેનાથી ઘણાં સારા પરિણામો આવ્યા હતા. આવો જ એક નિર્ણય ફિલ્મ ઇન્ડસ્ટ્રી માટે લીધો હતો. આ એક નિર્ણયથી બોલિવુડની કિસ્મત બદલાઈ ગઈ હતી. અટલજીના કારણે બોલિવૂડને અંડરવર્લ્ડથી મુક્તિ મળી હતી.
શરૂઆતના સમયમાં ફિલ્મ મેકિંગ એક મોંઘો બિઝનેસ હતો. વર્ષ 2001થી પહેલા બોલિવુડની ઇન્ડસ્ટ્રીનો દરજ્જો મળ્યો ન હતો. અટલ બિહારી વાજપેયીની 2001માં બોલિવુડની ઇન્ડસ્ટ્રીનો દરજ્જો આપ્યો હતો જે પછી વાજપેયી સરકારે ફિલ્મ ઇન્ડસ્ટ્રીને 100% FDIની મંજૂરી આપી હતી. આ સિવાય વિદેશી રોકાણની એન્ટ્રી લેવલ પર કોઇ શરત રાખવામાં આવી ન હતી.
ભારત સરકારે ઓસ્ટ્રેલિયા ચીન અને કેનેડાથી ફિલ્મના સહ-નિર્માણ માટે સંધી પર હસ્તાક્ષર કર્યા હતા. થોડાક સમય પછી ફિલ્મ ઈન્ડસ્ટ્રીને ઓવરસીઝ રાઈટ્સ માટે એક્ઝિમ બેન્કથી લોન મળવા લાગી હતી.
આ રીતે થઇ બોલિવુડમાં અંડરવર્લ્ડની એન્ટ્રી:
ઈન્ડસ્ટ્રીનો દરજ્જો મળતા પહેલા ફિલ્મો પર વધારે પડતા પૈસા વ્યક્તિગત રીતે લગાવવામાં આવતા હતા. મુંબઈના પહેલા સ્મગલર અને ગેંગસ્ટર હાજી મસ્તાનને ફિલ્મોનો ઘણો શોખ હતો. હાજી મસ્તાન ઘણી વાર બોલિવૂડની પાર્ટીઓમાં જોવા મળતો હતો. પરંતુ તેના આ શોખને અંડરવર્લ્ડ ડોન દાઉદ ઈબ્રાહિમે બિઝનેસમાં બદલી કાઢ્યો. વાસ્તવમાં તે સમયે બોલિવુડ અસંગઠિત હતુ 80-90ના દાયકામાં ફિલ્મના સેટ ઘણાં મોંઘા થવા લાગ્યા. આ સિવાય ફોરેન લોકેશન અને સ્ટાર્સની ફી પણ વધવા લાગી.
દાઉદે ડી કંપનીના માધ્યમથી પોતાની શરતોથી ફિલ્મોમાં રોકાણ કર્યું અને અનેક ગણું વ્યાજ વસુલ્યું. આ સિવાય તેણે શરત મુકી હતી કે ફિલ્મ હિટ હોય કે ફ્લોપ પૈસા તરત મળવા જોઈએ. ફિલ્મમાં કોને કાસ્ટ કરવા તેનું પ્રેશર પણ અંડરવર્લ્ડ તરફથી આવતુ હતુ.
ફિલ્મ નિર્માતા ગુલશન કુમારની હત્યા:
1993માં મુંબઇ બોમ્બ બ્લાસ્ટ પછી દાઉદ ઇબ્રાહિમે મુંબઇની જવાબદારી અંડરવર્લ્ડ ડોન અબૂ સલેમને આપી દીધી. અબૂ સલેમ બોલિવુડમાં પ્રોડ્યુસર પાસેથી વિદેશી રાઇટ્સનો ભાગ માંગવા લાગ્યા. સુભાશ ધઇની ફિલ્મ ખલનાયકમાં વિદેશમાં 5 કરોડની કમાણી કરી હતી. અબૂ સલેમના અનુસાર સુભાષ ધઇએ અંડરવર્લ્ડને ફિરૌતીના 25 લાખ રૂપિયા આપ્યા હતા.
1997માં થયેલી ગુલશન કુમારની હત્યા પછી બોલિવૂડ અને અંડરવર્લ્ડના સંબંધો ખુલીને સામે આવી ગયા હતા. સલેમે ગુલશન કુમાર પાસે 10 કરોડ રુપિયાની માંગ કરી હતી. ગુલશન કુમારે પૈસા આપવાનો ઈનકાર કરતા તેમની નિર્દયતાથી હત્યા કરી દેવામાં આવી હતી. ગુલશન કુમાર સિવાય રાજીવ રાય મહેશ ભટ્ટ બોની કપૂર રાકેશ રોશન જેવા અનેક પ્રોડ્યુસર્સ અને એક્ટર્સને અંડરવર્લ્ડથી ધમકીઓ મળતી હતી.
વાજપેયીના નિર્ણય પછી બદલાઇ ગઇ તસવીર:
બોલિવુડમાં FDIના આવ્યા પછી ફિલ્મ પ્રોડક્શનથી લઇને ડિસ્ટ્રીબ્યૂશન સુધીમાં સુધારો આવ્યો છે. વિદેશમાં ઘણા મોટા પ્રોડક્શન હાઉસ ભારતની મોટી પ્રોડક્શન કંપનીની સાથે પાર્ટરનરશિપ કરી. ભારતમાં વૉર્નર બ્રૉસ ડિઝની ફોક્સ જેવા મોટા અમેરિકન પ્રોડક્શન કંપનીની એન્ટ્રી થઇ.