કહેવાય છે ને કે 'જાકો રાખે સાઈંયા, માર સકે ના કોઈ' મધ્યપ્રદેશના ઝાબુઆમાં આ કહેવત સાર્થક થતો એક વીડિયો વાયરલ થયો છે. અહીં એક વૃદ્ધ વ્યક્તિ પરથી આખી માલગાડી પસાર થઈ પણ તેને આંચ પણ ન આવી.
આ ઘટના મેઘનગર રેલવે સ્ટેશનની છે. અહીં વૃદ્ધ વ્યક્તિ મેમો ટ્રેન પકડવા આવ્યા હતા. ટ્રેનમાં ભીડ હોવાના કારણે તેમનો પગ લપસી ગયો અને તે પાટા પર પડી ગયા. આ પાટા પર અન્ય એક માલગાડી પણ આવી ગઈ પણ આ વ્યક્તિને એક આંચ પણ ન આવી. તેઓ બચી ગયા.
તમે વીડિયોમાં જોઈ શકો છો કે વૃદ્ધ વ્યક્તિ રેલવેના પાટા પર સૂતા છે અને ઉપરથી માલગાડી પસાર થઈ રહી છે. માલગાડી પસાર થયા બાદ તેઓ જ્યારે ઊભા થાય છે અને ટ્રેનમાં ચઢી પણ જાય છે. આ વીડિયો સોશિયલ મીડિયામાં ઝડપથી વાયરલ થઈ રહ્યો છે અને લોકોનો ભગવાન પરનો વિશ્વાસ વધી રહ્યો છે.