OMG / લગ્નમાં ગુથ્થીના ફેમસ સોન્ગ 'ઝીંદગી બરબાદ હો ગયા' પર મહિલાએ કર્યો ગજબનો ડાન્સ, ફની VIDEO જોઈ હસવું નહીં રોકી શકો

• સોશિયલ મીડિયા પર મહિલાનો વીડિયો વાયરલ 
• ગુથ્થીના ફેમસ સોન્ગ 'ઝીંદગી બરબાદ હો ગયા' પર કર્યો ડાન્સ 
• વાયરલ વીડિયો જોઈ નહીં રોકી શકો હસવું 

સોશિયલ મીડિયા પર લગ્નના એવા ઘણા વીડિયો હશે જેને જોઈને આપણે ચોંકી ઉઠીએ છીએ. જો કે, કેટલાક એવા વીડિયો છે જેને જોયા પછી તમે હસવુ નહીં રોકી શકો. સોશિયલ મીડિયા પર તમે રોજેરોજ કોઈને કોઈ આવા વીડિયો જોયા જ હશે જે લગ્ન સાથે સંબંધિત છે. 

આવો અમે તમને એક એવો વીડિયો બતાવીએ, જેને જોઈને તમે હસવાનું રોકી નહીં શકો. જેવું કે આપણે બધા જાણીએ છીએ કે પતિ-પત્ની વચ્ચે માત્ર પ્રેમભર્યો સંબંધ જ નથી હોતો. પરંતુ અણબનાવથી ભરેલો સંબંધ પણ હોય છે. ઇન્ટરનેટ પર વાયરલ થયેલા આ વીડિયોમાં પણ કંઈક આવું જ જોવા મળ્યું હતું. 

मेरे स्वीटू, मेरे शोना, मेरे मजनू, मेरे हसबैंड मुझे प्यार नही करते.. सोशल मीडिया पर जबरदस्त वायरल है.. pic.twitter.com/c6vZIQftCY

— Abhinav_bebaak (@abhinavBebaak) December 5, 2022

મહિલાએ પાર્ટીમાં નિભાવી રિંકૂ ભાભીની ભૂમિકા 
સોશિયલ મીડિયા પર વાયરલ થઈ રહેલા એક વીડિયોમાં જોઈ શકાય છે કે લગ્નમાં એક મહિલા અચાનક જ રડવા લાગે છે અને બોલિવૂડ એક્ટર સુનીલ ગ્રોવરની નકલ કરવા લાગે છે. તે સુનીલ ગ્રોવરના લોકપ્રિય ગીત 'મેરે હસબન્ડ મુઝે પ્યાર નહીં કરતે...'ના ગીત પર એક્ટ કરવાનું શરૂ કરે છે. 

આટલું જ નહીં રડવાની એક્ટિંગ કરતી વખતે તે તેના પતિ પર ગુસ્સે પણ થઈ જાય છે. લગ્નમાં આવેલા મહેમાનો સામે તે બધાને કહે છે કે મારા પતિ મને પ્રેમ નથી કરતા. લગ્નમાં હાજર મહેમાનોની પાસે જઈને તે પગ પણ પકડવાનો પ્રયત્ન કરે છે અને કહે છે કે તેના પતિ તેને પ્રેમ નથી કરતા. ત્યાં જ તમામ મહેમાનોની નજર ફક્ત તે મહિલા પર જ હોય છે. 

વીડિયો જોયા બાદ લોકોએ આપ્યા આવા રિએક્શન 
ગુલાબી સાડીમાં સજ્જ મહિલાએ ગીતની બીટ પર ડાન્સ કર્યો અને પાર્ટીમાં તેના વિચિત્ર એક્સપ્રેશનથી દરેકના દિલ જીતી લીધા. જ્યારે તમે આખો વીડિયો જોશો ત્યારે તમારા ચહેરા પર એક મોટું સ્મિત આવી જશે. 

સુનીલ ગ્રોવરનું આ લોકપ્રિય ગીત ઘણું જૂનું છે, પરંતુ હજી પણ ઇન્ટરનેટ પર વાયરલ છે. લગ્નમાં ઉત્સાહથી ડાન્સ કરતી મહિલાની ક્લિપ જોઈને ઘણા લોકોએ પોતાની પ્રતિક્રિયા આપી હતી. 'મેરે હસબન્ડ મુઝે પ્યાર નહીં કરતે...' 2019માં રિલીઝ થયું હતું. તે સુનીલ ગ્રોવરે પોતે પોતાના અવાજમાં ગાયું હતું અને તેમાં 'ધ કપિલ શર્મા શો'માં તેનું પાત્ર રિંકુ ભાભીનું હતું.