ગુજરાતનું પાટનગર ગાંધીનગર રાજનીતિક રાજધાની પણ છે જ્યાં અવાર-નવાર દારૂની મહેફીલો મંડાઈ છે. આ મહેફિલોની બાતમી મળે તો નબીરાઓ પકડાય, નહી તો 'છલકાયે જા...'નો સિલસિલો અવિરત રહે છે. આવો જ 'જામ-પેક'પાર્ટી પ્રોગ્રામ પોલીસે સ્વાગત એફોર્ડ ફ્લેટમાંથી ઝડપી લીધો છે . જેમાં 13 જેટલા યુવક-યુવતીઓ દારૂના ચિક્કાર નશામાં ઝૂમતા હતા. નવાઈની વાત એ છે કે, ઝડપાયેલા આ નશેડીઓમા સૌથી વધુ યુવતીઓ હતી. ગાંધીનગરની ઇન્ફોસિટી પોલીસે 9 યુવતીઓ સાથે 4 યુવકો મળીને કુલ 13ની અટકાયત કરી છે.ઝડપાયેલા તમામ નબીરાઓને મેડીકલ પરીક્ષણ માટે હોસ્પિટલ લઇ જવાની તજવીજ હાથ ધરાઈ હતી.
કર્ણાવતી કોલેજના ડીઝાઈનીગના વિધાર્થીઓ
ગાંધીનગરની કર્ણાવતી કોલેજના ઝડપાયેલા આ વિધાર્થીઓ ડીઝાઈનીંગ ફેકલ્ટીમાં અભ્યાસ કરે છે અને કર્ણાવતી ડેન્ટલ વિભાગની હોસ્ટેલમાં રહે છે. જ્યાં દારૂની મહફિલ જામી હતી તે સ્વાગત એફોર્ડ ફ્લેટના આસપાસના રહીશોએ પોલીસને જાણ કરી હતી કે, 'અહીં દારૂની મહેફિલ ચાલે છે'આ બાદ ઇન્ફોસિટી પોલીસે ફ્લેટ પર જઈને તપાસ કરતા આ 13 વિધાર્થીઓ નહ્સમાં ચકચૂર હતા. પોલીસે તમામ વિધાર્થીઓના માતા-પિતાને જાણ કરી હતી અને મેડીકલ ટેસ્ટ માટે લઇ જવાયા હતા.
ગાંધીનગરમાં વારંવાર મહેફિલ
ગાંધીનગર નજીક શિક્ષણ ધામ અને પેઈંગ ગેસ્ટ કે જુદી-જુદી કંપનીઓમાં નોકરી કરતા યુવાઓ ચાસ્વારે શર્બની મહેફિલ જમાવતા હોય છે, ગત વર્ષે 11 નવેમ્બરે santej માં એક મહેફિલ દરમિયાન 20 યુવાઓ ઝડપાયા હતા. સાંતેજના શ્રમદીપ ફાર્મ હાઉસમાં દારૂની મહેફિલ ઝડપાઇ છે. જેમાં 20 જેટલા નબીરા દારૂ મહેફિલમાં માણતા ઝડપાયા છે. માનુસ દેસાઈ જન્મ દિવસમાં પાર્ટીની ઉજવણીમાં દારૂની મહેફિલ યોજાઈ હતી. પેટ્રોલીગ દરમિયાન પોલીસ માહિતી મળતા રેડ પાડવામાં આવી હતી.
ગાંધીનગર કોબા હાઈવે ઉપર આવેલ ક્રિષ્ના ફાર્મમાં બર્થડે પાર્ટીમાં વિદેશી દારૂની મહેફિલ ચાલી રહી હતી. અડાલજ પોલીસને આ વાતની બાતમી મળતાની સાથે જ ફાર્મ હાઉસમાં રેડ પાડવામાં આવી હતી. પોલીસે રેડ કરીને 13 યુવક અને 10 યુવતીને દારૂ પાર્ટી કરતા ઝડપી લીધાં હતાં. એક યુવકે પત્નીની બર્થડે પાર્ટી કરવા મિત્રોને ભેગા કાર્ય હતા. આ દરમ્યાન બર્થડે પાર્ટીમાં દારૂની મહેફિલ કરવામાં આવી રહી હતી. પોલીસે રેડ કરતાં યુવકો દારુ પીધેલા મળી આવ્યા હતા.