રાજકોટ / રાજકોટમાં નેહા કક્કરના કૉન્સર્ટમાં એવું બન્યું કે ધારાસભ્યોએ ચાલતી પકડી

સુત્રોના જણાવ્યાં અનુસાર ગઈ કાલે રાત્રે રાજકોટ ખાતે બોલિવૂડ સિંગર નેહા કક્કરના કાર્યક્રમનું આયોજન થયું હતું. જેમાં વલ્ગર પ્રકારના નાચગાન થતાં ત્યાંના ધારાસભ્યોએ નારાજગી જતાવી હતી. જો કે આ વાતની પોલીસ અધિકારીઓને જાણ થતાં તેમને મનાવવાના પ્રયાસ કર્યા હતા. જો કે આ કાર્યક્રમ રાજકોટ પ્રજાસતાકને ઉજવણીને લઈને આયોજિત કરવામાં આવ્યો હતો. આ કાર્યક્રમમાં રાજકોટના આગેવાનો અને ધારાસભ્યો હાજર રહ્યાં હતા.  ભાજપના આગેવાન નીતીન ભારદ્વાજ નારાજ થઈ ગયા હતા અને તેમને આગેવાનો અને અધિકારીઓ દ્વારા સમજાવતા માની ગયા હતા અને કાર્યકર્મ નિહાળ્યો હતો. પરંતુ ભાજપના ધારાસભ્ય ગોવિંગભાઈ પટેલ અને અરવિંદ રૈયાણીએ ચાલતી પકડી હતી.

હાલમાં જ નેહા કક્કારનું નામ મશહૂર સિંગર ઉદિત નારાયણના દીકરા આદિત્ય નારાયણ સાથે જોડાયું છે. જો કે આ વાતની નેહા તરફથી કોઈ પૃષ્ટિ મળી નથી.