રિલાયન્સ ઇન્ડસ્ટ્રી લિમિટેડ RIL ના માલિક મુકેશ અંબાણી ફરી એકવાર એશિયાના સૌથી ધનિક વ્યક્તિ બન્યા છે. બે દિવસ અગાઉ, ઉદ્યોગપતિ ઝોંગ શાંશન, જેને ચીનનો વોટર કિંગ કહેવામાં આવી છે ને મુકેશ અંબાણીએ ફરીથી પાછળ પાડીને એશિયાના સૌથી ધનિક વ્યક્તિનો ખિતાબ હાસિલ કર્યો છે. જો કે ઝોંગ શાંશન હવે દુનિયાના ધનિક લોકોની લિસ્ટમાંથી બહાર થઈ ગયા છે.
મુકેશ અંબાણી ફરીથી એશિયાના સૌથી વધુ અમીર બન્યા
ચીની વોટર કિંગ ઝોંગ શાંશનને પાછળ પાડ્યો
હવે દુનિયાના નવમા સૌથી ધનવાન બન્યા મુકેશ અંબાણી
ફોર્બ્સ રીઅલ ટાઇમ બિલિયોનર્સ ઈન્ડેક્સ અનુસાર, મુકેશ અંબાણી હવે વિશ્વના સૌથી ધનિક વ્યક્તિની યાદીમાં 9 મા ક્રમે છે. ફોર્બ્સના જણાવ્યા અનુસાર તેમની પાસે 76.8 અબજ ડોલરની સંપત્તિ છે, અને બ્લૂમબર્ગ અનુસાર તેમની પાસે 76.7 અબજ ડોલરની સંપત્તિ છે. તે જ સમયે, ઝોંગ શાંશન આ સૂચિમાં 14 માં ક્રમે આવી ગયા છે. ઝોંગ શાંશનની હાલની સંપત્તિ71.6 અબજ ડોલર છે. 2020 ના અંતમાં, મુકેશ અંબાણીને વિશ્વના ટોચના 10 ધનિક લોકોની યાદીમાંથી બહાર થઈ ગયા હતા જો કે હવે ફરીથી તેઓ 9 માં ક્રમે આવી ગયા છે.
ઝોંગ શાંશન કોણ છે?
બ્લૂમબર્ગ બિલિયોનેર ઈન્ડેક્સ અનુસાર, વર્ષ 2020 માં ઝોંગ શાંશનની સંપત્તિ વધીને 77.8 અબજ ડોલર થઈ ગઈ હતી. કોરોના વાયરસ રોગચાળાને કારણે વિશ્વની આર્થિક સ્થિતિ કથળી છે અને ઉદ્યોગપતિઓને મોટું નુકસાન થયું છે, બીજી તરફ, ઝોંગ શાંશનની સંપત્તિ પાછલા વર્ષમાં ખૂબ ઝડપથી વિકસી છે, જેના કારણે તે એશિયાનો સૌથી ધનિક ઉદ્યોગપતિ બની ગયો છે. 67 વર્ષીય ઝોંગ શાંશન ચીનમાં લોન વુલ્ફ તરીકે પણ ઓળખાય છે.
તેમની બેજિંગની વેન્ટાઈ બાયોલોજિકલ ફાર્મસી કંપનીએ વેક્સિન બનાવી હતી અને નૉનગફુ સ્પ્રિંગ નામની પેકેજ્ડ ડ્રિંકીંગ વોટર બનાવતી કંપનીના નફામાં વધારો થયો હતો જેના હિસાબે તેમની સંપત્તિમાં વધારો થતાં થોડા દિવસ અગાઉ તેઓ મુકેશ અંબાણીને પાછળ પાડીને એશિયાના સૌથી ધનિક વ્યક્તિન બની ગયા હતા. જો કે હવે ફરીથી મુકેશ અંબાણીએ એશિયાના સૌથી ધનિક વ્યક્તિનું ટાઇટલ મેળવી લીધું છે.