દુ:ખદ / માત્ર 37 વર્ષની વયે સ્ટાર એક્ટરે દુનિયાને કહ્યું અલવિદા, અચાનક નિધનના સમાચારથી ફિલ્મ ઈન્ડસ્ટ્રી સ્તબ્ધ 

• 'ભાભી જી ઘર પર હૈ'ના અભિનેતાના નિધન બાદ વધુ એક સ્ટારનું નિધન
• કેરળના યુવા અભિનેતા સરથ ચંદ્રન 37 વર્ષની ઉંમરે દુનિયાને અલવિદા કહ્યું
• અભિનેતા સરથ ચંદ્રન શુક્રવારે મૃત હાલતમાં મળી આવ્યા  
• ફિલ્મ 'અંગમાલી ડાયરીઝ' થી પ્રખ્યાત થયો હતો સરથ ચંદ્રન

તાજેતરમાં 'ભાભી જી ઘર પર હૈ'ના એક્ટર મલખાન (દીપેશ ભાન)નું અવસાન થયું હતું. આ તરફ હવે વધુ એક અભિનેતાએ દુનિયાને અલવિદા કહી દીધું હોવાનું સામે આવ્યું છે.  ફિલ્મ ઈન્ડસ્ટ્રીના સૂત્રોના જણાવ્યા પ્રમાણે કેરળના યુવા અભિનેતા સરથ ચંદ્રન શુક્રવારે મૃત હાલતમાં મળી આવ્યા હતા. અભિનેતાના મૃત્યુનું કારણ શું હતું તે હજુ સુધી જાણી શકાયું નથી. પરંતુ આ સમાચાર પછી સિનેમા જગતમાં ચોક્કસપણે મૌન છવાઈ ગયું છે. 37 વર્ષીય સરથ ચંદ્રને ઘણી ફિલ્મોમાં પોતાની એક્ટિંગ બતાવી છે. આવી સ્થિતિમાં અચાનક આવેલા આ સમાચારથી ચાહકોનું દિલ તૂટી ગયું છે.

ફિલ્મ 'અંગમાલી ડાયરીઝ' થી પ્રખ્યાત હતો સરથ ચંદ્રન 

 કેરળના યુવા અભિનેતા સરથ ચંદ્રન તેની ફિલ્મ 'અંગમાલી ડાયરીઝ' થી પ્રખ્યાત થયો હતો. આ સાથે અન્ય પ્રખ્યાત ફિલ્મો કે જેમાં તેણે ભૂમિકા નિભાવી તેમ  'કુડે', 'ઓરુ મેક્સિકન અપરથા'નો સમાવેશ થાય છે. સરથ ચંદ્રનના નિધનના સમાચાર બાદ સોશિયલ મીડિયા પર તેમના ચાહકો તેમને ભીની આંખો સાથે શ્રદ્ધાંજલિ આપી રહ્યા છે. 

અભિનેતા એન્ટોએ શ્રદ્ધાંજલિ પાઠવી 

યુવા અભિનેતા સરથ ચંદ્રન શુક્રવારે મૃત હાલતમાં મળી આવ્યા હતા. અભિનેતાના મૃત્યુનું કારણ શું હતું તે હજુ સુધી જાણી શકાયું નથી. આ તરફ હવે અભિનેતા એન્ટોની વર્ગીસએ 'અંગમાલી ડાયરીઝ'માંથી સરથ ચંદ્રનની એક તસવીર શેર કરી અને અભિનેતાને હૃદયપૂર્વકની શ્રદ્ધાંજલિ લખી - 'RIP ભાઈ.'

મલયાલમ ઈન્ડસ્ટ્રીમાં મોટું નામ સરથ ચંદ્રન

37 વર્ષીય સરથ ચંદ્રન કોચીનો રહેવાસી હતો. સરથ ચંદ્રન એક આઈટી ફર્મમાં કામ કરતો હતો. આ પછી તેણે ડબિંગ આર્ટિસ્ટ તરીકે પણ ફિલ્મમાં કામ કર્યું. સરથ ચંદ્રને મલયાલમ ફિલ્મ ઈન્ડસ્ટ્રીમાં અભિનેતા તરીકે પોતાની કારકિર્દીની શરૂઆત ફિલ્મ 'અનિસ્યા'થી કરી હતી.