તમે સાંભળ્યુ હશે કે દિલનો મામલો સહેલો નથી હોતો, આ વાક્ય બંને પરિસ્થિતિમાં લાગૂ પડે છે. જો તમને પ્રેમ થયો હોય તો પણ અને હ્રદયની બિમારી થઇ હોય તો પણ. કાર્ડિયોલોજી મેડિકલ ફિલ્ડનું જટિલ ક્ષેત્ર છે. આ ક્ષેત્રે પુરુષોનો દબદબો જોવા મળે છે પરંતુ આ બધાની વચ્ચે એક એવી મહિલા છે જેણે પોતાની એક આગવી ઓળખ થકી પોતાની જગ્યા બનાવી લીધી છે.
103 વર્ષના ડૉક્ટર આજે પણ કરે છે કામ
તેમની માતા પણ 105 વર્ષ જીવ્યા હતા
ગંભીર દર્દીઓે તપાસવા આજે પણ જાય છે
103 વર્ષના ડૉ. શિવરામકૃષ્ણ અય્યર પદ્માવતી આજે પણ તેમના દર્દીઓને તપાસવા માટે જાય છે. આ દેશના પહેલા અને સૌથી વધુ ઉંમરવાળા કાર્ડિયોલોજીસ્ટ છે.
ડૉ. શિવરામકૃષ્ણએ વર્ષ 1981માં દિલ્હી નેશનલ હાર્ટ ઇન્સ્ટિટ્યુટની સ્થાપના કરી હતી. ત્યારથી લઇને 2015માં તે રિટાયર થયા ત્યાં સુધી ગંભીર દર્દીઓને જોવા માટે હોસ્પિટલ જતા હતા. તે 12 કલાક સુધી કામ કરતા હતા. આ ઉંમરે પણ તેમનામાં ગજબની સ્ફૂર્તિ જોવા મળે છે.
આટલા લાંબા સમય સુધી સક્રિય રહેવા પાછળ રહસ્ય શું છે આ પ્રશ્ન પર તેમણે જવાબ આપ્યો કે, આની સંપૂર્ણ ક્રેડિટ તેમના જીન્સ અને જીવનશૈલીને જાય છે. તેમની માતા પણ 105 વર્ષ સુધી જીવ્યા હતા. પદ્માવતી પણ તેમની માતાના નક્શે કદમ પર ચાલે છે. યાદ રાખો કે આપણે પણ કુદરતનો હિસ્સો જ છીએ.
નેશનલ હાર્ટ ઇન્સ્ટિટ્યુટના વરિષ્ઠ ડૉક્ટર વિનોદ શર્મા કહે છે કે ડૉ.પદ્માવતી સાથે કામ કરવાનો અનુભવ એક રોમાંચક અનુભવ હતો. 90ના દશકમાં તે રાતભર જાગીને તેમની સાથે કામ કરતા હતા અને બાદમાં તે રિસર્ચ પેપર પણ લખતા હતા. વિનોદ કહે છે કે અમે લોકો થાકી જતા હતા પરંતુ ડૉ.પદ્માવતી એક અલગ પ્રકારની ઉર્જા ધરાવતા હતા.