VTV વિશેષ / એક સમયે માત્ર 300 રૂપિયા ખિસ્સામાં હતા આજે 3000 કરોડની બિગ બ્રાન્ડનો માલિક

કોઈ પણ વ્યક્તિને સફળતા આમ જ નથી મળી જતી. તેમના પાછળ ઘણી મહેનત અને સંઘર્ષ કરવો પડે છે. અને મોટા ભાગના લોકો આ આ વાત સમજી શકતા નથી. 

મુંબઈના ઉશીક મહેશ ગાલા જેમના ખિસ્સામાં એક સમયે 311 રૂપિયા હતા. ઉશીકે તેમના જીવનમાં ખુબ સંઘર્ષ જોયો છે. ઉશીક જ્યારે કોલેજમાં હતા ત્યારથી જ ધંધાની આંટીઘુટી સમજવા લાગ્યા હતા અને તેમણે નાની ઉંમરે જ તેમના પિતાના કાપડના નાનકડાં કારોબારને સમજી લીધો હતો. અને આ સમયે સમગ્ર દેશમાં મંદીનો માહોલ હતો. અને આ સમય એવો સાબિત થયો કે તેમણે ધંધાને શૂન્ય તરફ ખેંચી લીધો. ત્યારબાદ ધંધાને બંધ કરવો પડ્યો. કુટુંબમાં હવે કપડાનો વ્યવસાય કરવા કોઈ તૈયાર ન હતું.

2010માં જ્યારે ઉશીકે ધંધામાં પ્રવેશ કર્યો ત્યારે તેમની પાસે માત્ર 311 રૂપિયા હતા. તેમ છતા આવી સ્થિતિમાં તેમણે નક્કી કર્યું કે તે ધંધાને ડૂબવા નહિ દે. અને ઉશીકની દ્રષ્ટિ હતી કે ધંધાને ઊંચાઈ તરફ લઈ જવો અને બજાર ત્યારે મુશ્કેલીના તબક્કામાંથી પસાર થઈ રહ્યું હતું. તે માટે તેમણે 2012માં મંદી પૂરી થતાં બજારમાં પ્રવેશ કરવાનું નક્કી કર્યું.

ધંધામાં પ્રવેશની સાથે જ તેમણે ઘણી વસ્તુઓ પર અભ્યાસ કરવાનું શરુ કર્યું અને મુંબઈમાં મેન્યુફેકચરીંગ યુનિટ સાથે તેમણે પોસાય અને ગુણવતાવાળા વસ્ત્રો પર કામ કરવાનું શરુ કર્યું અને ત્યારબાદ ધંધાએ ખુબ વેગ પકડ્યો અને 2017માં તેમની બેલેન્સશીટ 214 કરોડ રૂપિયા થઈ ગઈ હતી. ટેકસટાઈલ મેન્યુફેકચરીંગ કંપની સુમાયા ફેબ્રિકે ધંધામાં હરણફાળ ભરી અને કર્મચારીની સંખ્યા દિવસેને દિવસે વધતી ગઈ. અને માર્ચ 2019માં કંપનીનું ટર્ન ઓવર 600 કરોડ રૂપિયાથી વધુ છે.

તેમની ઉધોગસાહસિક યાત્રામાં સફળ થયા બાદ તેમણે એન્જલ ઈંવેસ્ટર તરીકે પણ કંપનીમાં રોકાણ કરવાનું શરુ કર્યું અને તેમણે ક્લોઝ ગ્રુપ, ચેટ અપ, ધ હાઉસિંગ અને સેલ્ફ ફાઇનાન્સ કંપનીમાં પણ રોકાણ શરૂ કર્યું છે. 

પેરિસમાં એપરલ બિઝનેસમાં નોંધપાત્ર સફળતા માટે, ઉશિકને ગારમેન્ટ ઉદ્યોગના સૌથી નાના સીઇઓ તરીકે એક્સેલન્સ એવોર્ડ તરીકે અને જૈન સમુદાયના સૌથી નાના અબજોપતિ તરીકે નિયુક્ત કરવામાં આવ્યા છે. તે જૈન આંતરરાષ્ટ્રીય સંગઠન (જેઆઈઓ) ના વૈશ્વિક ડાયરેક્ટર પણ છે. ઉશીક પોતાની રીતે આગળ વધવાનું ચાલુ રાખે છે.  સફળતા માટેના તેના મંત્રનું વર્ણન કરતાં તેમણે કહ્યું કે, સખત મહેનત કરો અને તમારી ક્રિયાઓ તમને બદલામાં યોગ્ય પરિણામ આપશે.