• Home
  • India
  • At night the woman's scooty punctured and in the morning her dead body was found

હૈદરાબાદ / મહિલા ડૉક્ટરની સ્કૂટીનું પંક્ચર થયું, કેટલાંક મદદે આવ્યાં અને સવારે મળી સળગેલી લાશ

Team VTV 01:45 PM, 29 Nov 19 | Updated: 10:29 PM, 29 Nov 19
At night the woman's scooty punctured and in the morning her dead body was found

એક મહિલા વેટેનરી ડૉક્ટર સવારે હોસ્પિટલ જાય છે, પણ સાંજે પાછા ફરતાં તેમની સ્કુટી પંચર થાય છે. મહિલા ડૉક્ટરે આ અંગે જાણકારી તેની બહેનને ફોન આપતા કહ્યું હતું કેટલાંક લોકો તેને મદદ કરવાનું કહી રહ્યાં છે, તો તને પછી ફોન કરું. એ બાદ તેનો ફોન સ્વીચ ઓફ આવે છે. સવારે પોલીસને એક સળગેલી ડેડ બોડી મળે છે. તપાસ કરતા આ લાશ મહિલા ડૉક્ટરની હોવાનું બહાર આવે છે. સોશિયલ મીડિયામાં એમાંય ખાસ કરીને ટ્વીટર પર આ ઘટનાં ટ્રેન્ડમાં ચાલી રહી છે.

  • ઘરે આવી રહેલી મહિલા ડૉક્ટરની સ્કુટી વેરાન જગ્યાએ પંચાર થઈ
  • ઘરે જઈ રહેલી મહિલા ડૉક્ટરસાથે એવું થયું કે આખો દેશ હચમચી ગયો
  • ડૉક્ટરએ બહેનને કહ્યું મને મદદ માટે કેટલાક લોકો આવ્યા છે હું તને પછી ફોન કરું એ પછી તેનો ફોન સ્વીચ ઓફ હતો

6 વાગે મહિલા ડૉક્ટર ઘરે આવી રહી હતી

તેલંગાનામાં હૈદરાબાદ પાસેની આ ઘટના વિશે વાત કરીએ તો વેટનરી મહિલા ડૉક્ટર બુધવારે પોતાના ઘર શમ્શાબાદથી કોલ્લુરુ સ્થિત પશુ ચિકિત્સાલય ગઈ હતી. ત્યાંથી તે પાછી આવી રહી હતી. ત્યારે સાંજે 6 વાગે ટોલ પ્લાઝા પાસે તેની સ્કુટી પંચર થઈ ગઈ.
 
ડૉક્ટરએ સ્કુટી પંચર થયાની વાત બહેનને કરી હતી

એ બાદ મહિલાએ તેના ઓળખીતાઓને ફોન કરી રહ્યું કે તેની સ્કુટી પંચર થઈ ગઈ છે. તે બાદ મહિલાએ પોતાની બહેનને ફોન કરી આ સ્કુટી પંચર થયા અંગેની જાણકારી આપી. હતી. 

મહિલાએ તેમની બહેનને કહ્યું હતું મને ડર લાગે છે

મહિલાએ પોતાની બહેનને કહ્યું હતું કે મને ડર લાગી રહ્યો છે. જેને લઈને મહિલાની બહને તેને ટોલ પ્લાઝા જવા અને કેબથી આવવા માટે કહ્યું હતું. એ બાદ મહિલાએ કહ્યું કે કેટલાક લોકો તેને મદદ કરવાની વાત કરી રહ્યાં છે તો હું તને થોડા વાર પછી ફોન કરું છું. તે બાદથી તેનો ફોન સ્વીચ ઓફ થઈ ગયો હતો. એ બાદ પરિવારજનોએ શાદનગર ટોલ પ્લાઝાની પાસે મહિલાની શોધખોળ કરી હતી. પરંતુ તે ક્યાંય મળી નહોતી. સવારે શાદનગરનાં અંડરપાસની પાસે તેની સળગેલી લાશ મળી આવી હતી.

એક યુવક રાતે મહિલાની સ્કુટી લઈને મિકેનિક પાસે ગયો હતો

મિકેનિક શમસેર આલમનાં જણાવ્યાનુસાર, એક છોકરો મહિલા ડૉક્ટરની સ્કુટી લઈને બુધવારે રાતે 9.30 વાગે અહીં આવ્યો હતો. તે સ્કુટી મુકીને ગયો હતો. પોલીસે હત્યાનો ગુનો નોંધી તપાસ હાથ ધરી છે. 

પોલીસ સીસીટીવી તપાસી રહી છે

મહિલા ડૉક્ટરની હત્યાનો કેસ ઉકેલવાનો પ્રયાસ કરી રહેલી હૈદરાબાદ પોલીસે આ વિસ્તારનાં સીસીટીવી ફુટેજનો આશ્રય લીધો છે. પોલીસ સીસીટીવીની સાથે મહિલાનાં કોલ ડિટેઈલ પણ તપાસી રહી છે.

ડે. કમિશનરે કહ્યું હત્યા કરી લાશ સળગાવાઈ

આ સંબંધમાં શમસાબાદનાં ડેપ્યુટી કમિશનર પ્રકાશ રેડ્ડીએ ઘટના સ્થળની મુલાકાત લીધી હતી.  એ બાદ તેમણે કહ્યું હતું કે અજાણ્યા વ્યક્તિએ ડૉક્ટરની હત્યા કરી તેની લાશને સળગાવી દીઘી હતી. જોકે તમામ પાસાઓને ધ્યાનમાં રાખીને પોલીસ તપાસ કરી રહી છે.  સ્કુટીની નંબર પ્લેટ પણ એક ટ્રકમાંથી મળવાની વાત ચર્ચાઈ રહી છે. જોકે પોલીસ પુરાવાના આધારે તપાસ કરી રહી છે.

Gujarati News ગુજરાતી ન્યૂઝ હૈદરાબાદ દુષ્કર્મ રેપ હત્યા rape murder
Loading...

ટૉપ સ્ટોરીઝ

સૌથી વધુ વંચાયેલ

Loading...
બ્રેકિંગ ન્યૂઝ