અમેરિકાના ન્યૂ જર્સીમાં બુધવારના રોજ એક શૂટઆઉટમાં એક પોલીસ સહિત 6 લોકોના મોત નિપજ્યાં છે. ફાયરિંગની આ ઘટના શહેરના બેવ્યુ વિસ્તાર પાસે ઘટી છે. એક મળતી માહિતી મુજબ આ ફાયરિંગની ઘટના આ વિસ્તારમાં આવેલા એક સ્ટોરની બહાર થઇ.
ન્યૂ જર્સીમાં સ્ટોર બહાર ફાયરિંગમાં 6નાં મોત
ફાયરિંગની ઘટના શહેરના બેવ્યુ વિસ્તાર પાસે ઘટી
ફાયરિંગ બાદ વિસ્તારમાં એલર્ટ જાહેર કરવામાં આવ્યું
મીડિયાના સૂત્રો પાસેથી મળતી જાણકારી મુજબ બેવ્યુ અને માર્ટિન લૂથર કિંગ રોડની પાસે બપોરના સમય આ ફાયરિંગની ઘટના બાદ વિસ્તારમાં એલર્ટ જાહેર કરી દેવામાં આવ્યું હતું. આ દરમિયાન ઝડપથી આ વિસ્તારમાં આવેલ સ્કૂલો અને અન્ય સાર્વજનિક જગ્યાઓ પર સુરક્ષામાં વધારો કરી દેવામાં આવ્યો.
ત્યારબાદ સ્વૉટ સહિત પોલીસની ઇમરજન્સી સર્વિસ યૂનિટસને આ વિસ્તારમાં મોકલવામાં આવ્યો છે. આ ફાયરિંગની ઘટનામાં એક પોલીસકર્મી સહિત ત્રણ રાહદારીઓના મોત થયા છે. જ્યારે આ ફાયરિંગમાં બંને શંકાસ્પદ હુમલાખોર પણ ઠાર મરાયા છે. જો કેપોલીસ દ્વારા આ હુમલાખોરની ઓળખને લઇને કોઇ જાણકારી આપવામાં આવી નથી.
New Jersey shooting: 6 killed, including police officer