તોફાન ઈડાના કેરથી અમેરિકાના ન્યૂયોર્ક શહેરમાં ઓછામાં ઓછા 41 લોકોના મોત થયા છે.
ન્યૂયોર્કમાં ઈડાનો કેર
અમેરિકાના ન્યૂયોર્ક શહેરમાં ભારે વરસાદ
ન્યૂયોર્કમાં સ્ટેટ ઈમરજન્સી જાહેર
ઈડાના કેરથી 41 લોકોના મોત
તોફાન ઈડાના કેરથી અમેરિકાના ન્યૂયોર્ક શહેરમાં ભારે વરસાદ થયો અને વિસ્તારમાં આવેલા પુરમાં ઓછામાં ઓછા 41 લોકોના મોત થયા છે. પુરમાં પાણીમાં અનેક ગાડીઓ ડુબી ગઈ અને ઘરેમાં પાણી ભરાઈ ગયા. ન્યૂયોર્ક શહેરમાં પોલીસ પ્રવક્તાએ કહ્યું કે પુરની વચ્ચે એક બેસમેન્ટમાં ફસાઈ જવાથી કુલ 8 લોકોના મોત થયા છે.
"At least 41 dead in New York area storms," AFP quotes officials. As per the news agency, New York Governor had declared a state of emergency over storm Ida.
બુધવારે મોડી રાતે ન્યૂયોર્ક શહેર અને પ્રાંતના બાકીના ભાગોમાં ઈડા તોફાનને ધ્યાનમાં રાખીને ઈમરજન્સીની સ્થિતિ જાહેર કરી દીધી છે. ન્યૂયોર્કના મેયર બિલ ડી બ્લાસિયોએ બુધવારે મોડી રાતે ન્યૂયોર્ક શહેરમાં ઈમરજન્સી સ્થિતિની જાહેરાત કરતા કહ્યું કે આપણે આજે શહેરમાં રેકોર્ડ બ્રેક વરસાદ, ભયંકર પુર અને રસ્તા પર ખતરનાક પરિસ્થિતિઓની સાથે એક ઐતિહાસિક હવામાન ઘટનાનો સામનો કરી રહ્યા છીએ. ત્યારે ગવર્નર કૈથી હોચૂલે ન્યૂયોર્ક પ્રાંત માટે સ્ટેટ ઈમરજન્સીની સ્થિતિ જાહેર કરી.
સોશિયલ મીડિયા પર વાયરલ વીડિયો પણ જોવા મળી રહ્યા છે
ન્યૂયોર્કના એફડીઆર ડ્રાઈવ અને બ્રોંક્સ રિવર પાર્ક વે બુધવારે મોડી સાંજ સુધી જળમગ્ન હતા. સબવે સ્ટેસન અને પાટા પર એટલું પાણી ભરાયુ હતુ કે મેટ્રોરપોલિટન ટ્રાન્સપોર્ટેશન ઓર્થોરિટીએ તમામ સેવાઓને રદ્દ કરી નાંખી. સોશિયલ મીડિયા પર વાયરલ વીડિયોઝ પણ જોવા મળી રહ્યા છે કે શહેર અને તેની આસપાસના મુખ્ય રસ્તા પર ગાડિઓ પોતાના કાચ સુધી ડૂબી ગઈ અને રસ્તા પર કચરો વહી રહ્યો છે.