અમેરિકાના ફિલાડેલ્ફિયામાં આવેલ ત્રણ માળની બિલ્ડિંગમાં ભયંકર આગનો બનાવ સામે આવ્યો છે. જેમા 7 બાળકો સહિત કુલ 13 લોકોના કરૂઁણ મોત થયા છે
અમેરિકામાં ભયાનક દુર્ઘટનામાં 13ના મોત
3 માળની ઈમારતમાં લાગી આગ
7 બાળકો સહિત કુલ 13 લોકોના દુખદ મોત
અમેરિકાના પૂર્વીય શહેર ફિલાડેલ્ફિયામાં એક ભયંકર અકસ્માત સર્જાયો જેમા 7 બાળકો સહિત 13 લોકોના મોત થયા હોવાનું સામે આવ્યું છે. ફિલાડેલ્ફિયામાં આવેલ N23rd સ્ટ્રીટના 800 બ્લોકમાં આવેલ 3 માળની ઈમારતમાં ભયંકર આગ લાગી જેમાં 13 જણા બળીને ભડથું થઈ ગયા જે 13માં 7 બાળકો હતા.
2 વ્યક્તિ ગંભીર ઈજાગ્રસ્ત
ફાયર ડિપાર્ટમેન્ટના ડેપ્યુટી કમિશનરના કહેવા પ્રમાણે મૃતકોનો આંક વધી શકે છે. કારણકે આગ ઓલવાઈ ગઈ તેમ છતા પણ બિલ્ડિંગોમાંથી ઘણા બધા ઘાયલોને બહાર કાઢવામાં આવ્યા છે. હાલ 13 મૃતકો સિવાય બે વ્યક્તિ એવા પણ છે કે જે ગંભીર રીતે ઘાયલ છે. જેથી તેઓ હોસ્પિટસલમાં સારવાર હેઠળ છે.
બિલ્ડિંગનું સ્મોક ડિટેક્ટર ખરાબ હોવાની આશંકા
બિલ્ડિંગમાં જે રીતે આગ લાગી લોકોના મોત થયા તે પરથી ત્યાના સ્મોક ડિટેક્ટર ખરાબ હોવાનું માનવામાં આવી રહ્યું છે. કારણકે જો સ્મોક ડિટેક્ટર યોગ્ય રીકે કામ કરતો લોકો આગ લાગતા પહેલાજ બિલ્ડીંગમાંથી બહાર નિકળી શકતા.
50 મિનિટમાં આગ પર કાબૂ મેળવાયો
જોકે ફાયર વિભાગને જેવી આગની સૂચના મળી કે તેઓ ઘટના સ્થળે પહોચી ગયા હતા. ફાયર વિભાગ અધિકારીઓ દ્વારા માત્ર 50 મિનિટમાં આગ પર કાબૂ મેળવી લેવાયો પરંતુ ત્યા સુધીમાં 7 બાળકો સહિત 13 લોકોના મોત થઈ ગયા હતા. સાથેજ ઘણા બધા લોકો ઘાયલ હતા અને ફસાયેલા હતા. જેમને હોસ્પિટલમાં સારવાર અર્થે ખસેડવામાં આવ્યા.
સૌથી ખરાબ દુર્ઘટના
ઉલ્લેખનીય છે કે સંમગ્ર મામલે ફાયર ડેપ્યુટી કમિશનર દ્વારા દુખ વ્યક્ત કરવામાં આવ્યું છે. સાથેજ તેમણે એવું પણ કહ્યું કે તેમની 35 વર્ષની નોકરીમાં આ સૌથી ખરાબ દુર્ઘટના તેમણે જોઈ છે. 13 લોકો સિવાય અન્ય બે લોકોની હાલત પણ ઘણીજ ગંભીર છે. જેઓ હાલ હોસ્પિટલમાં સારવાર હેઠળ છે.