G-20 શિખર સંમેલન: PM મોદીએ ભાગેડુ આર્થિક ગુનેગારોનો મુદ્દો ઉઠાવ્યો

અર્જેન્ટીનાના બ્યૂનો આયર્સમાં ચાલી રહેલી G-20 સમિટમાં પ્રધાનમંત્રી નરેન્દ્ર મોદીએ એક તરફ આતંકવાદ અને આર્થિક ગુનેગારોને વિશ્વના માટે સૌથી મોટો ખતરો ગણાવ્યો. આ સાથે જ વડાપ્રધાન મોદીએ તમામ દેશને એક સાથે આવવું પડશે. શુક્રવારે શરૂ થયેલી સમિટમાં પ્રધાનમંત્રી નરેન્દ્ર મોદીને અમેરિકી રાષ્ટ્રપતિ ડોનાલ્ડ ટ્રમ્પ અને જાપાનના PM શિંઝો આબે સાથે મળીને મહત્વપૂર્ણ વૈશ્વિક મુદ્દાઓ પર ચર્ચા કરી.

તેની સાથે જ આતંકવાદ અને આર્થિક ગુનો આજે એટલો મોટો ખતરો છે કે જેનો સમગ્ર વિશ્વસ સામનો કરી રહી છે. બ્યૂનો આયર્સમાં ચાલી રહેલી G-20 સમિટમાં અનૌપચારિક બેઠક દરમિયાન પીએમ મોદીએ એ વાત પર ભાર મુક્યો કે આખરે દુનિયાને આતંકવાદ અને આર્થિક ગુનેગારો સામે કેમ એક સાથે આવવાની જરૂર છે.

પીએમ મોદીએ કહ્યું કે આતંકવાદ અને કટ્ટરતાવાદ દુનિયા માટે મોટો ખતરો છે..પરંતુ આર્થિક ગુનેગાર દેશ માટે મોટો ખતરો છે. આ દરમિયાન PM મોદી ચીનના રાષ્ટ્રપતિ શી જિનપિંગ સાથે પણ મુલાકાત કરી છે.

આ ઉપરાંત પ્રધાનમંત્રી નરેન્દ્ર મોદીએ જાપાન અને અમેરિકા સાથે મળીને કામ યથાવત્ રાખવા પર પણ ભાર મુક્યો અને ઈશારો પણ કર્યો કે ત્રણેય દેશ સાથે મળીને કામ કરે તેમાં જ જીતનો મંત્ર છુપાયેલો છે.