એક ખેલ પ્રત્યેના પ્રેમથી કેટલા લોકોમાં તે પ્રેમ પહોંચાડી શકાય તેનું આદર્શ ઉદારહણ સુરતની ખુશી શાહ છે. નેશનલ ફૂટબોલર બનવા તથા તે બાદ એક એકેડમી શરુ કરવા સુધીની તેમની આખી સફર ખરેખર પ્રેરણાદાયી છે.
પહેલાં મુંબઈમાં લીધી ટ્રેનીંગ
વર્ષ 2018માં સુરત યુનાઈટેડ સિટીની શરૂઆત કરી
સુરતમાં 250થી વધારે ખેલાડીઓને ટ્રેનીંગ આપી
ક્યારે આવ્યો વિચાર ?
સુરતની ખુશી શાહે 18 વર્ષની ઉંમરમાં જ ઉદ્યોગસાહસિક બનવાનો નિર્ણય લઇ લીધો હતો. સુરત શહેરમાં સ્પોર્ટસની ટ્રેનીંગમાં અપાર અડચણો સહન કર્યા બાદ નેશનલ ફૂટબોલ પ્લેયર બનવાની સફર ખૂબ કપરી રહી હતી.
મુંબઈની એકેડેમીમાં જોડાયા
સુરતમાં ફૂટબોલને લગતી કોઈ એકેડેમી તે સમયે ન હતી, તથા મોટા ભાગે ફિલ્ડ પર તે એકલી જ છોકરી હતી. ખુશીએ મુંબઈની Young Entrepreneurs Academy (YEA!) જોઈન કરી. 20 અઠવાડિયા સુધી દર શનિવારે The Cathedral and John Connon Schoolમાં ક્લાસમાં હાજરી આપી.
સુરત સિટી યુનાઈટેડની શરૂઆત કરી
વર્ષ 2018માં તેણીએ પ્રેમ શાહની સાથે મળીને સુરત સિટી યુનાઈટેડની શરૂઆત કરી. સુરતમાં ફૂટબોલનું કલ્ચર શરુ કરવાના લક્ષ્ય સાથે તેમણે શરૂઆત કરી. શરૂઆતમાં ખુશી શાહે ઘણી બધી મુશ્કેલીઓનો સામનો કરવો પડ્યો. ફૂટબોલની ફિલ્ડ માટે ઘણી જગ્યાએ તપાસ કરી પરંતુ બધી જગ્યાએથી નિરાશા હાથ લાગી. પરંતુ તેમણે હાર ન માની અને વિદ્યાર્થીઓ માટે એક સારી જગ્યા શોધી કાઢી.
સુરત સિટી યુનાઈટેડે અત્યાર સુધી 250થી વધારે લોકોને ટ્રેનીંગ આપી
નોંધનીય છે કે શરૂઆતના આઠ મહિના સુધી ખુશી એક જ કોચ હતી. જોકે 2018નાં નવેમ્બરમાં એક કોચ સુરત સિટી યુનાઈટેડમાં જોડાયા. નોંધનીય છે કે સુરત સિટી યુનાઈટેડે અત્યાર સુધી 250થી વધારે લોકોને ટ્રેનીંગ આપી છે. તે ખેલાડીઓ અને ટૂર્નામેન્ટ પાસેથી ફી વસુલ કરે છે. હાલ આ એકેડેમી કુલ 5 લાખની રેવેન્યુ વટાવી દીધી છે.
ખુશીનું કહેવું છે કે YEA દ્વારા તેમને અનુભવ થયો કે ફૂટબોલ પ્રત્યે તેમનો પ્રેમ એક સાહસ દ્વારા અનેક લોકો સુધી પહોંચાડી શકાશે. ખુશી શાહ દ્વારા શરુ કરવામાં આવેલ સુરત સિટી યુનાઈટેડ ખૂબ પ્રચલિત થઇ ગઈ છે. પ્રાદેશિક ન્યૂઝપેપરમાં પણ ખુશીને પ્રાધાન્ય આપવામાં આવી રહ્યું છે.