બે સ્ક્રીનનું લેપટોપ Asus ZenBook Pro Duo હાલ ખૂબ જ ચર્ચામાં છે. કારણ કે આ દુનિયાનું પહેલું એવું લેપટોપ છે. જેમાં બે સ્ક્રીન છે. જાણો આ લેપટોપ કેવી રીતે ખાસ છે અને એની ખાસિયત શું છે.
દિગ્ગજ ટેક્નૉલોજી કંપની Asus એ કમ્પ્યૂટેક્સ 2019 કોન્ફ્રેસમાં ઘણી પ્રોડક્ટ્સ લોન્ચ કરી છે. જેમાં કંપનીના ડ્યૂલ સ્ક્રીન વાળા લેપટોપની ખૂબ ચર્ચા રહી. Asus ZenBook Pro Duo દુનિયાનું પહેલું બે સ્ક્રીનનું લેપટોપ છે. જો કે આ પહેલા ZenBook Pro 15 માં સ્ક્રીનપેડ જોવા મળ્યું હતું. પરંતું ZenBook Pro Duo માં આપવામાં આવેલી બીજી સ્ક્રીન Pro 15 થી એકદમ અલગ છે.
ZenBook Pro Duo માં આપવામાં આવેલી સેકન્ડ સ્ક્રીનની એક એજ થી બીજા એજ સુધી છે. આ સ્ક્રીનને કીબોર્ડ જેટલો એરિયા આપવામાં આવ્યો છે. આ સ્ક્રીન કીબોર્ડની ઠીક ઉપર આપવામાં આવી છે જે મુખ્ય સ્ક્રીનના એક્સટેન્ડેડ ડિસ્પ્લેની જેમ કામ કરે છે.
ડ્યૂલ સ્ક્રીન વાળા લેપટોપમાં 15.6 ઇંચની 4K UHD OLED HDR સપોર્ટિંગ ટચ સ્ક્રીન આપવામાં આવી છે, જેનાથી તમે કોઇ વિન્ડો સેકન્ડ સ્ક્રીનમાં પણ ડ્રેગ કરી શકો છો. મેનસ્ક્રીનમાં આસુસે નેનો એજ ડિઝાઇનનો ઉપયોગ કર્યો છે એટલે કે આ ડિસ્પ્લેમાં ચારે બાજુ ખૂબ જ થિન બેઝલ્સ આપવામાં આવ્યા છે. આ ઉપરાંત આ લેપટોપમાં નંબર પેડ ડાયલ ફંક્શન પણ આપવામાં આવ્યા છે. સાથે જ ડ્યૂલ સ્ક્રીન વાળા આ લેપટોપની કીબોર્ડમાં પામ રેસ્ટ પણ આપવામાં આવ્યું છે જેનાથી ટાઇપિંગ કરવામાં સરળતા રહે છે.
આ લેપટોપ એલેક્સા વોઇસ સપોર્ટની સાથે આવે છે. લેપટોપમાં 9th જનરેશન ઇન્ટલ કોર i7 (9750H) અથવા i9 (9980HK) પ્રોસેસર આપવામાં આવી શકે છે. લેપટોપમાં 32GB DDR4 રેમ આપવામાં આવશે. લેપટોપમાં કોઇ એસડી કાર્ડ સપોર્ટ આપવામાં આવ્યું નથી. લેપટોપનું વજન 2.5 કિલોગ્રામ છે.