ટેક્નોલોજી / Asusના આ સ્માર્ટફોનની કિંમત ભારતમાં ઘટી, હવે 7999 રૂપિયાથી શરૂ

4 GB રેમ મોડેલની કિંમત હવે 10499 રૂપિયાની જગ્યાએ 8999 રૂપિયા થઇ ગઇ છે. જ્યારે 6 GB રેમ મોડલ હવે 12499 રૂપિયાની જગ્યાએ 11999 રૂપિયામાં ઉપલબ્ધ છે. નવી કિંમત 19 જુલાઇથી ફ્લિપકાર્ટ પર પ્રભાવી રૂપે લાગૂ થઇ ગઇ છે.

Asus Max Pro M1ના સ્પેસિફિકેશન્સ

ડ્યુઅલ સિમ સપોર્ટ વાળા આ સ્માર્ટફોનમાં 18:9 રેશ્યો સાથે 5.99 ઇન્ચ ફુલ HD+ (1080x2160 પિક્સલ) IPS ફુલ વ્યૂ ડિસપ્લે આપવામાં આવી છે. અને તે એક સ્ટોક એન્ડ્રોઇડ સ્માર્ટફોન છે અને તે એન્ડ્રોઇડ 8.1 ઓરિયો પર ચાલે છે.  તેમા 6GB સુધી રેમ અને Adreno 509 GPU સાથે ઓક્ટા-કોર ક્વાલકોમ સ્નેપડ્રેગન 636 પ્રોસેસર આપવામાં આવ્યું છે. તેના 64 GB સ્ટોરેજને કાર્ડની મદદથી 2 TB સુધી વધારી શકાય છે.

આ સ્માર્ટફોનની બેકમાં ફિંગરપ્રિન્ટ સેન્સર આપવામાં આવેલ છે. તેમા ફેસ અનલોકનું ફીચર પણ હાજર છે. કંપનીએ સૌથી વધારે ફોકસ તેની બેટરી પર કર્યું છે. સ્માર્ટફોનમાં 5000 mAhની મોટી બેટરી આપવામાં આવી છે. ફોટોગ્રાફી માટે તેના માટે રિયરમાં 13 મેગાપિક્સેલ અને 5 મેગાપિક્સેલનો કેમેરો આપવામાં આવ્યો છે. જ્યારે ફ્રન્ટમાં સેલ્ફી માટે 8 મેગાપિક્સેલ કેમેરા આપેલ છે.