• Home
  • India
  • astrazeneca sent legal notice serum institute delay supply coviciled vaccine sources

કોરોના સંકટ / એસ્ટ્રાજેનેકાએ સીરમ ઇન્સ્ટીટ્યૂટને મોકલી લીગલ નોટીસ! પૂનાવાલાએ કહ્યું- ભારતને પ્રાથમિકતા

Team VTV 09:26 AM, 08 Apr 21
astrazeneca sent legal notice serum institute delay supply coviciled vaccine sources

એસ્ટ્રાજેનેકાએ કોવિશીલ્ડ વેક્સિનની સપ્લાયમાં મોડું થવાને લઇને સીરમ ઇન્સ્ટીટ્યૂટને લીગલ નોટિસ મોકલી છે.

  • એસ્ટ્રાજેનેકાએ વેક્સિનના સ્ટોક મુદ્દે સીરમ ઈન્સ્ટિટ્યૂટને મોકલી નોટિસ
  • સીરમ ઈન્સ્ટિટ્યુટ દર મહિને 6થી 6.5 કરોડ વેક્સિન બનાવે છે
  • કંપનીએ સસ્તા ભાવે વેક્સિન આપી તેના બદલે નફો કમાવવો જોઇતો હતોઃ પૂનાવાલા
  • કંપનીને નફો મળે જેથી તે રૂપિયાના રોકાણથી વધુ વેક્સિનનું કરી શકાય ઉત્પાદનઃ પૂનાવાલા

સૂત્રોનું કહેવું છે કે, એસ્ટ્રાજેનેકાએ કોરોના વેક્સિનની સપ્લાઇમાં મોડું થવાને લઇને સીમ ઇન્સ્ટીટ્યૂટ ઑફ ઇન્ડિયાને કાયદેસરની નોટિસ મોકલી છે. સીરમના CEO અદાર પૂનાવાલાએ કહ્યું કે, ભારત સરકારે કોવિશીલ્ડની બીજા દેશોને મોટી સપ્લાઇટ પર રોક લગાવી દીધી છે અને ભારતના પહેલા દાવાની વાત બીજા દેશોને સમજાવવી આકરી છે. તે દેશોમાં કોવિડ વેક્સિન વધી ઉંચા ભાવોમાં વેચવામાં આવી રહી છે.

દર મહિને 6 કરોડ વેક્સિનનું ઉત્પાદન

પૂનાવાલા પહેલા જ કહી ચૂક્યા છે કે કોવિશીલ્ડના ઉત્પાદનની હાલની ક્ષમતા પર પહેલા જ ઘણુ દબાણ બનેલું છે. પૂનાવાલાએ કહ્યું કે, દુનિયાભરની જરૂરિયાત છે અને અમે ભારતની જરૂરિયાતોને પ્રાથમિકતા આપી રહ્યા છે, પરંતુ અમે હજુ પણ સપ્લાઇનું સંકટ સહન કરી રહ્યા છીએ. કેન્દ્રએ ગત અઠવાડિયે કહ્યું હતું કે, વેક્સિનના નિકાસ પર સમગ્ર પ્રતિબંધ નથી. પૂનાવાલાએ કહ્યું કે, સીરમ દર મહિને 6થી 6.5 કરોડ વેક્સિન પ્રતિ મહિને તૈયાર કરી રહ્યું છે. અત્યાર સુધીમાં 10 કરોડ કોવિશીલ્ડ વેક્સિન કેન્દ્ર સરકારને અને 6 કરોડ વેક્સિન નિકાસ કરી ચૂક્યું છે.

કંપનીને નફો મળે જેથી તે રૂપિયાના રોકાણથી વધુ વેક્સિનનું કરી શકાય ઉત્પાદનઃ પૂનાવાલા

ત્યારે કોવિશીલ્ડ વેક્સિન નિર્માતા સીરમે પોતાના ઉત્પાદનને વધારવા માટે અંદાજિત 3000 કરોડ રૂપિયાની જરૂરીયાત છે. સીરમના CEO અદાર પૂનાવાલાએ આ માહિતી આપી. પૂનાવાલાએ આ પહેલા કહ્યું હતું કે, SII ઘણા સસ્તા ભાવે શરૂઆતના 10 કરોડ ડોઝની સપ્લાઇ માટે સહમત થઇ છે, પરંતુ હવે તેમણે કહ્યું કે, કંપનીને હવે આના કરતા વધુ નફો કમાવવો જોઇતો હતો જેથી આ રૂપિયાથી ઉત્પાદન અને સુવિધાઓ માટે ફરીથી રોકાણ કરી શકાય અને વેક્સિનનું વધુ ઉત્પાદન કરી શકાય.

નફા કમાવાથી ફરીથી મોટું રોકાણ થઇ શકેઃ પૂનાવાલા

પૂનાવાલાએ ખાનગી ન્યૂઝ ચેનલ સાથે વાતચીતમાં કહ્યું કે, અમે ભારતીય બજારમાં વેક્સિન અંદાજિત 150-160 રૂપિયાના ભાવે સપ્લાઈ કરી રહ્યા છીએ જ્યારે વેક્સિનની કિંમત 20 ડૉલર(1500) છે. નરેન્દ્ર મોદી સરકારની અપીલ પર અમે સસ્તા ભાવ પર વેક્સિન આપી રહ્યા છીએ. એવું નથી કે અમે નફો કમાઇ રહ્યા છીએ પરંતુ સુપર પ્રોફિટ નથી બની રહ્યું જે ફરી રોકાણ માટે મહત્વનું છે.
 

Loading...

ટૉપ સ્ટોરીઝ

સૌથી વધુ વંચાયેલ

Loading...
બ્રેકિંગ ન્યૂઝ