ચિંતા / આવતીકાલે પૃથ્વી નજીકથી પસાર થશે વધુ એક આફત, નાસાના વૈજ્ઞાનિકો રાખી રહ્યા છે સતત નજર

• પૃથ્વી નજીકથી સતત પસાર થઇ રહ્યા છે એસ્ટરોઇડ
• નાસાના વૈજ્ઞાનિકો એસ્ટરોઇડની ગતિવિધીઓ પર નજર

તેનાથી વિનાશકારી ખતરો તો નથી હોતો પરંતુ વૈજ્ઞાનિકોની નજર સતત તેના પર મંડરાયેલી હોય છે. નાસાના Sentry સિસ્ટમ આવી આફત પર પહેલેથી જ નજર રાખે છે. તેનાથી આવનારા 100 વર્ષમાં હાલ 22 એવા એસ્ટરોઇટ છે જે પૃથ્વી સાથે ટકરાવાની સંભાવના છે. 

આવતીકાલે પસાર થશે વધુ એક આફત 

પ્રથમ બે Asteroid 2013XA22 (310 ફુટ, 18 મિલિયન માઇલ દૂર) અને એસ્ટરોઇડ Asteroid 2020KZ3 (64 ફુટ, 7 લાખ 61 હજાર માઇલ દૂર) મંગળવારે પસાર થવાનો છે. જો કે, તે બંને નુકસાનકાર અંતર સુધી પહોંચી શકશે નહીં. ત્યારબાદ, બુધવારે, 65 ફુટનો Asteroid 2020KY 40 મિલિયન માઇલના અંતરેથી પસાર થશે. બીજો એક એસ્ટરોઇટ ગુરૂવારના રોજ 36 લાખ માઇલના અંતરેથી પસાર થશે.

ગત અઠવાડિયે 5 ઉલ્કાપિંડ પૃથ્વી નજીકથી પસાર થયા છે

આપને જણાવી દઇએ કે, ગત અઠવાડિયે પાંચ જેટલા ઉલ્કાપિંડ પૃથ્વી નજીક થઈ પસાર થઇ ચૂક્યા છે. તો વૈજ્ઞાનિકોની નજર પણ આ એસ્ટરોઇડ પર સતત મંડરાયેલી છે. માનવામાં આવી રહ્યું છે કે, એસ્ટરોઇડની વધતી સંખ્યા અને ફ્રીકવન્સીને જોતા વધુ વોર્નિગ સિસ્ટમ્સની જરૂર લાગી રહી છે.