આફત / કોરોના વાયરસ બાદ ધરતી તરફ આવી રહી છે આ મોટી આફત, બસ 2 દિવસ બાકી છે

• આ એસ્ટરોઇડ દિલ્હીના કુતુબ મિનારથી ચાર ગણો મોટો છે
• આ એસ્ટરોઇડ  સ્ટેચ્યુ ઓફ લિબર્ટી કરતા ત્રણ ગણો મોટો છે 
• એસ્ટરોઇડનું નામ 2010 એનવાય 65 છે. તે 1017 ફુટ લાંબો છે

આ એસ્ટરોઇડનું નામ 2010 એનવાય 65 છે. તે 1017 ફુટ લાંબો છે. એટલે કે સ્ટેચ્યુ ઓફ લિબર્ટી કરતા લગભગ ત્રણ ગણો અને કુતુબ મિનારથી ચાર ગણો મોટો છે. સ્ટેચ્યુ ઓફ લિબર્ટી 310 ફુટ અને કુતુબ મિનાર 240 ફુટ લાંબો છે.

આ એસ્ટરોઇડ 46,400 કિલોમીટર પ્રતિ કલાકની ઝડપે પૃથ્વી તરફ આવી રહ્યો છે. આ એસ્ટરોઇડ 24 જૂને બપોરે 12.15 વાગ્યે પૃથ્વીની નજીકથી પસાર થશે.  યુએસ સ્પેસ એજન્સી નાસાના અંદાજ મુજબ તે પૃથ્વીથી આશરે 37 લાખ કિલોમીટર દૂરથી નીકળશે.

નાસાના વૈજ્ઞાનિકો તે તમામ એસ્ટરોઇડને પૃથ્વી માટેનો ખતરો માને છે જે પૃથ્વીથી 75 લાખ કિલોમીટરના અંતરથી પસાર થાય છે. આ ઝડપથી પસાર થનારા ગતિશીલ અવકાશી પદાર્થોને ખગોળીય ગોળાને નીયર અર્થ ઓબ્જેક્ટ્સ (એનઇઓ) કહેવામાં આવે છે.

Named 2002 NN4, the asteroid is more than 1,000 feet across and will swing by near enough to make it onto NASA's "close approach" list. https://t.co/SHM9FKpZqn

— USA TODAY (@USATODAY) June 4, 2020

સૂર્યની આસપાસ ફરતા નાના અવકાશી પદાર્થોને એસ્ટરોઇડ અથવા ક્ષુદ્રગ્રહ કહેવામાં આવે છે. આ મુખ્યત્વે મંગળ અને ગુરુ વચ્ચેના રહેલા એસ્ટરોઇડ પટ્ટામાં જોવા મળે છે. કેટલીકવાર આનાથી પૃથ્વીને પણ નુકસાન પહોંચે છે. 

જૂનમાં એસ્ટરોઇડ પસાર થવાની આ ત્રીજી ઘટના છે. પ્રથમ ગ્રહ પૃથ્વી પરથી 6 જૂને પસાર થયો હતો. તેનો વ્યાસ 570 મીટર હતો. તે પૃથ્વીની બાજુમાંથી 40,140 કિલોમીટર પ્રતિ કલાકની ઝડપે પસાર થયો હતો. તેનું નામ 2002 એનએન 4 હતુ.

આ પછી 8 જૂનનો એસ્ટરોઇડ 2013 X22 એસ્ટરોઇડ પૃથ્વીની નજીકથી પસાર થયો હતો. તેની ગતિ પ્રતિ કલાક 24,050 કિલોમીટર હતી. આ ધરતીથી લગભગ 30 લાખ કિલો મીટર દૂરથી પસાર થયો હતો.

ઉલ્લેખનીય છે કે 2013 માં ચેલ્યાબિંસ્ક એસ્ટરોઇડ રશિયામાં પડ્યો હતો. તેના પડવાથી 1 હજારથી વધુ લોકો ઘાયલ થયા હતા. હજારો મકાનોની બારી અને દરવાજા તુટી ગયા હતા.