પ્રગતિ / અર્થતંત્રને લઈને ASSOCHEMનું મોટું નિવેદન,' હાલ સુધીની રિકવરી સારી, પણ આ એક કામથી સુધારો ઝડપી બનશે'

• કોરોનાથી મેન્યુફેક્ચરિંગ અને સર્વિસ સેક્ટરને થયું મોટું નુકસાન : ASSOCHEM
• GDP માં ૭.૭ ટકાનો ઘટાડાનો છે અંદાજ 
• રસીકરણ કાર્યક્રમથી રિકવરી વધુ સારી ઝડપથી થશે : ASSOCHEM 

એસોચેમના સેક્રેટરી જનરલ દિપક સૂદે કહ્યું, ઊંચી આવૃત્તિમાં આવેલા આંકડાઓથી અર્થતંત્રમાં વી-આકારની રિકવરીના મજબૂત સંકેતો મળ્યા છે. વર્ષ 2020 ના છેલ્લા બે મહિનામાં અર્થવ્યવસ્થામાં તેના સ્પષ્ટ સંકેતો મળી રહ્યા છે. 2020-21માં ભારતના GDP માં 7.7 ટકાનો ઘટાડો થવાનો અંદાજ છે. કોવિડ -19 રોગચાળાએ મેન્યુફેક્ચરિંગ અને સર્વિસિસ સેક્ટરને નોંધપાત્ર નુકસાન પહોંચાડ્યું છે. જે તાજેતરમાં જાહેર કરાયેલા સરકારી ડેટા દ્વારા જાણી શકાય તેમ છે. 

આ ક્ષેત્રોથી થશે વધુ ફાયદો 

દિપક સૂદે કહ્યું કે કોવિશિલ્ડ અને કોવાકસિન આ બંને વેક્સિનને મંજૂરી મળતા ભારત હવે કોવિડ -19 મહામારીના નિવારણ માટે રસીકરણનો કાર્યક્રમ શરૂ કરી રહ્યો છે. આનાથી અર્થવ્યવસ્થાને મોટો ફાયદો થશે, ખાસ કરીને હોસ્પિટાલિટી સેક્ટર, પરિવહન, મનોરંજન, વગેરે જેવા સેકટરમાં સારી રિકવરી જોવા મળી શકે તેમ છે, કોવિડ રોગચાળાને કારણે આ સેકટરોને ખૂબ જન નુકસાન ગયું હતું, જો કે એસોચેમના જણાવ્યા અનુસાર, ગુડ્સ એન્ડ સર્વિસ ટેક્સ GST હેઠળ ડિસેમ્બરમાં અત્યાર સુધીમાં 1.15 લાખ કરોડ રૂપિયાના રેકોર્ડ સંગ્રહ થવો તે પણ આર્થિક પ્રવૃત્તિઓમાં ઝડપી સુધારાને દર્શાવ છે. 

આગામી બજેટ મહત્વપૂર્ણ બની રહેશે 

આગળ વાત કરતાં સૂદે જણાવ્યું હતું કે , ' વિવિધ રાજ્યોના ડેટાની સરખામણી દર્શાવે છે કે ગ્રાહકનો વિશ્વાસ પરત ફરી રહ્યો છે. મહારાષ્ટ્ર રાજ્ય જે કોવિડ -19 રોગચાળાથી ખરાબ રીતે પ્રભાવિત છે તેના GST કલેક્શનમાં સાત ટકાનો વધારો નોંધાયો છે અને GST ના સંગ્રહમાં વાર્ષિક ધોરણે કુલ 12 ટકાનો વધારો થયો છે. તેમણે કહ્યું કે 2021-22નું બજેટ ખૂબ જ મહત્વપૂર્ણ બની રહેનારું છે. આગામી બજેટમાં, હેલ્થ સેક્ટર, કૃષિ ક્ષેત્ર અને ફરીથી માંગમાં વધારો કરવા પર ધ્યાન કેન્દ્રિત કરવું ખૂબ જ મહત્વપૂર્ણ બની રહેશે.