પગલાં / અમદાવાદમાં ડ્રગ્સ વેચતી 'મહિલા ડોન' અમીનાબાનુની સંપત્તિ થશે જપ્ત! SOGએ હાથ ધરી કાર્યવાહી

• ડ્રગ્સ સપ્લાયર અમીનાબાનુ પર કાયદાકીય ગાળીયો કસાશે
• સંપતિ જપ્ત કરવા SOGની કાર્યવાહી
• NDPS હેઠળ કાર્યવાહી કરાશે

તાજેતરમાં મહિલા આરોપી અમીનાબાનુંને 31 ગ્રામ એમડી ડ્રગ્સના રૂ 3.31 લાખના જથ્થા સાથે કાલુપુરમાંથી SOGએ કરી ધરપકડ હતી. જે પ્રકરણમાં પોલીસે ડ્રગ્સ સપ્લાયર અને બુટલેગર મહિલા આરોપી આમીનાબાનુની તપાસ દરમિયાન પોલીસે હવે કાયદાકીય ગાળીયો કસવાની શરૂઆત કરી છે. આમીનાબાનુના ઘરે તપાસ કરી તેની પ્રોપર્ટી અને ડ્રગ્સની આવકમાંથી ખરીદેલી સંપતી જપ્ત કરવા માટે એસઓજી દ્વારા કાર્યવાહી શરૂ કરવામાં આવી છે,. 

આમિનાબાનુ ડ્રગ્સ કેસમાં 11 વર્ષની સજા ભોગવી ચુકી
શહેરના કાલુપુર અને તેના આસપાસના વિસ્તારમાં ડ્રગ્સનુ નેટવર્ક ચલાવતી મહિલા ડોન આમીનાબાનુની ધરપકડ બાદ પોલીસે તેની સંપતિ જપ્ત કરવાની કાર્યવાહી શરૂ કરી છે. આમિનાબાનુ આ પહેલા પણ ડ્રગ્સના કેસમાં 11 વર્ષની સજા ભોગવી ચુકી છે. એટલે કે તે લાંબા સમયથી ડ્રગ્સનો ધંધો કરતી હોવાનુ પોલીસ માની રહી છે, અને આ ડ્રગ્સની આવકમાંથી તેણે જે સંપતી વસાવી છે તે સંપતિ કબ્જે કરવા માટે પોલીસે કાર્યવાહી શરૂ કરી છે. અમીનાબાનુ કોડ વર્ડનો ઉપયોગ કરીને ડ્રગ્સનું વેચાણ કરતી હતી. ડ્રગ્સ ખરીદવા આવનાર ગ્રાહક કે, પેડલરો મન્ચુરિયન કે, માલ નામના જુદા જુદા કોડ વર્ડ દ્વારા ડ્રગ્સ ખરીદતા હતા. 
 
મોબાઈલની વિગત મેળવી તપાસ હાથ ધરાશે
એનડીપીએસની નવી જોગવાઈ હેઠળ આ કાર્યવાહી પોલીસ દ્વારા કરવામાં આવે છે અને સાથે જ તેના બેંક અકાઉન્ટની પણ માહિતી એકઠી કરવામાં આવી છે. જેમાં તેણે નાણાંકિય વ્યવહારો કર્યા છે તેની હકિકત સામે આવી રહી છે. ઉપરાંત અમીનાબાનુના મોબાઈલની વિગત મેળવી તે કયા કયા ડ્રગ્સ ડિલર અને સપ્લાયરના સંપર્કમાં હતી તેની પણ માહિતી પોલીસ મેળવી રહી છે. જેથી તેના વિરુધ્ધમાં કાર્યવાહી થઈ શકે છે.