આજે વિધાનસભા સત્રનો છઠ્ઠો દિવસ છે. અંદાજપત્ર પર સામાન્ય ચર્ચાનો આજે છેલ્લો દિવસ છે. ખેડૂતના દેવામાફી મુદ્દે કોંગ્રેસ પ્રાયવેટ મેમ્બર બિલ રજૂ કરશે. કોંગ્રેસના ધારાસભ્ય હર્ષદ રિબડીયા પ્રાયવેટ મેમ્બર બિલ રજૂ કરશે. ઉદ્યોગ, ગૃહ, શહેરી વિકાસ, બંદરો, ખાણ ખનીજના મુદ્દાઓ ચર્ચાશે. તેમજ માહિતી પ્રસારણ, પેટ્રો-કેમિકલ, ક્લાઈમેટ ચેન્જ પર પ્રશ્નોતરી થશે.
આજે વિધાનસભામાં સમિતિ અહેવાલ પણ રજૂ થશે. પંચાયતી રાજ સમિતિના ચાર અહેવાલ રજૂ કરવામાં આવશે. સભામાં 5 બિનસરકારી વિધેયક રજૂ કરવામાં આવશે. 2019ના ગુજરાત દેવસ્થાન વિસ્તાર વિકાસ સત્તા મંડળ વિધેયક, ગુજરાત અશક્ત વ્યક્તિ પુન: વસવાટ અને કલ્યાણ વિધેયક રજૂ કરવામાં આવશે.
ઉલ્લેખનીય છે કે, ગુજરાત રમત - ગમત પ્રવૃત્તિ પ્રોત્સાહન વિધેયક, ગુજરાત લઘુમતી કલ્યાણ અને સંરક્ષણ વિધેયક તેમજ વિધાનસભામાં તાકીદ બાબતો પર પણ ચર્ચા થશે. કૃષિ વિભાગની તાકીદ ચર્ચામાં તીડ પર ચર્ચા થશે. કૃષિમંત્રી તીડ નિવારણ પર સરકારી કામગીરી અંગે રજૂઆત કરશે. તીડ પ્રભાવિત વિસ્તારના ધારાસભ્યો પોતાના પ્રશ્ન રજૂ કરશે.