માહિતી અને પ્રસારણ મંત્રાલયે અમુક એપ્સ, વેબસાઈટ અને સોશિયલ મીડિયા અકાઉન્ટ્સ વિરુદ્ધ કાર્યવાહી કરી છે. વિગતો મળી રહી છે કે, ઈંટરનેટ પ્લેટફોર્મનો ઉપયોગ કરીને વિધાનસભા ચૂંટણીનો માહોલ ખરાબ કરવાની કોશિશ થઈ રહી છે.
વિધાનસભા ચૂંટણીનો માહોલ ખરાબ કરવાનો પ્રયાસ
ભારત સરકારે આ એપ્સ અને વેબસાઈટ બ્લોક કરી
અગાઉ ચાઈના સાથે જોડાયેલા એપ્સ પર પણ લગાવ્યો છે પ્રતિબંધ
માહિતી અને પ્રસારણ મંત્રાલયે અમુક એપ્સ, વેબસાઈટ અને સોશિયલ મીડિયા અકાઉન્ટ્સ વિરુદ્ધ કાર્યવાહી કરી છે. વિગતો મળી રહી છે કે, ઈંટરનેટ પ્લેટફોર્મનો ઉપયોગ કરીને વિધાનસભા ચૂંટણીનો માહોલ ખરાબ કરવાની કોશિશ થઈ રહી છે. ગત અઠવાડીયે જ ભારત સરકારે ચીન સાથે જોડાયેલા 54 એપ પર પ્રતિબંધ લગાવી દીધો હતો. પાંચ રાજ્યોમાંથી ફક્ત ઉત્તર પ્રદેશ અને મણિપુરમાં મતદાન પ્રક્રિયા બાકી છે. ભારતીય ચૂંટણી પંચ તરફથી જાહેર કાર્યક્રમ અંતર્ગત 10 માર્ચના રોજ મતગણતરી થશે.
એપ્સ અને વેબસાઈટ બ્લોક કર્યા
એક રિપોર્ટમાં જણાવ્યા અનુસાર, મંત્રાલયે પ્રતિબંધિત સંગઠન સિખ ફોર જસ્ટિસ સાથે જોડાયેલ એપ્સ, વેબસાઈટ અને સોશિયલ મીડિયા અકાઉન્ટને બંધ કરવાના આદેશ આપ્યા છે. રિપોર્ટમાં સૂત્રોના હવાલેથી લખવામાં આવ્યું છે કે, પાંચ રાજ્યોમાં ચાલી રહેલી વિધાનસભા ચૂંટણી દરમિયાન ચેનલે સાર્વજનિક વ્યવસ્થાને બગડવાનો પ્રયાસ કર્યો હતો.
54 એપ્સ પર પ્રતિબંધ
ભારતે ગત સોમવારે ચીન સાથે જોડાયેલ એવા 54 જેટલા મોબાઈલ એપને સુરક્ષા તથા પ્રાઈવેસી માટે ખતરો ગણાવીને પ્રતિબંધ મુકી દીધો હતો. જેમાં ટેંસેંટ એક્સરાઈવર, નાઈસ વીડિયો બાયડૂ, વીવા વીડિયો એડિટર, ગેરાના ફ્રી ફાયર ઈલ્યુમિનેટ પણ શામેલ છે. સૂત્રોના જણાવ્યા અનુસાર પ્રતિબંધ મુકવામાં આવેલા 54 ચીની એપ કથિત રીતે યુઝર્સના મહત્વના ડેટા મંજૂરી વગર એકઠા કરતા હતા. આ એપ યુઝર્સ સાથે જોડાયેલી જાણકારીનો દુરુપયોગ કરી રહ્યા હતા. અને તેના વિરોધ દેશમાં આવેલા સર્વરોમાં મોકલતા હતાં.
દેશની અખંડિતતા પર ખતરો
સૂત્રોના જણાવ્યા અનુસાર પ્રતિબંધ મુકવામાં આવેલા એપ દેશની અખંડિતતા અને સંપ્રભુતાના ખતરો ઉભો કરવામાં કથિત રીતે સંડોવાયેલા હતા. તેનાથી દેશની સુરક્ષા માટે ગંભીર ખતરો પેદા થવાની શક્યતાઓ હતી. સૂત્રોએ જણાવ્યું હતું કે, આઈટી મંત્રાલયે આ 54 એપ્સને પ્રતિબંધ કરવાનો નિર્દેશ જાહેર કર્યો છે.