રાજકારણ / વિધાનસભા ચૂંટણીની તૈયારીઓ શરૂ: CR પાટીલે દિલ્હીમાં તમામ સાંસદો, મંત્રીઓ સાથે કરી મીટિંગ 

• દિલ્લીમાં ગુજરાત ભાજપના સાંસદોની બેઠક
• સી.આર.પાટીલની અધ્યક્ષતામાં બેઠક
• વિધાનસભા ચૂંટણીની તૈયારીઓ અંગે ચર્ચા

ગુજરાત વિધાનસભા ચૂંટણીને લઈ તમામ રાજકીય પક્ષો તૈયારીમાં લાગી ગયા છે. તેવામાં હવે દિલ્લીમાં ગુજરાત ભાજપના સાંસદોની બેઠક મળી છે. ગુજરાત ભાજપ પ્રદેશ પ્રમુખ સી.આર.પાટીલની અધ્યક્ષતામાં મળેલી બેઠકમાં અનેક ચર્ચાઓ કરવામાં આવી હતી. દિલ્લીમાં ભાજપ સાંસદો અને પદાધિકારીઓ સાથે બેઠકમાં ગુજરાતના કેન્દ્રીય મંત્રીઓ પણ હાજર રહ્યા હતા. આ સાથે હવે ભાજપ શાસિત રાજ્યોના CMની આજે દિલ્લીમાં મહત્વની બેઠક છે. જેમાં વડાપ્રધાન નરેન્દ્ર મોદી પણ હાજર રહેવાના છે. 

દિલ્લીમાં ગુજરાત ભાજપના સાંસદોની મળી બેઠક

દેશની રાજધાની દિલ્હીમાં ગુજરાત ભાજપના સાંસદોની બેઠક મળી હતી. જેમાં વિધાનસભા ચૂંટણીને લઈ અનેક ચર્ચા કરવામાં આવી હતી. આ સાથે ભાજપના રાષ્ટ્ર્રીય પ્રમુખ જે.પી.નડ્ડાએ પણ એક બેઠક બોલાવી છે તેમાં પણ મુખ્યમંત્રી ભુપેન્દ્ર પટેલ તથા પ્રદેશ પ્રમુખ સી.આર. પાટીલ હાજરી આપશે.

વિધાનસભા ચૂંટણીની તૈયારીઓ અંગે ચર્ચા

દિલ્હીમાં ગુજરાત ભાજપના સાંસદોની બેઠક સી.આર.પાટીલના અધ્યક્ષ સ્થાને મળી હતી. જેમાં ગુજરાત વિધાનસભા ચુંટણીને લઈ ચર્ચા કરવામાં આવી હતી. આ બેઠકમાં ગુજરાતના કેન્દ્રીય મંત્રીઓ પણ હાજર રહ્યા હતા. 

ભાજપ શાસિત રાજ્યોના CMની આજે દિલ્લીમાં મહત્વની બેઠક

આ તરફ હવે ભાજપ શાસિત રાજ્યોના CMની આજે દિલ્લીમાં મહત્વની બેઠક છે. જેમાં જે.પી.નડ્ડા અને બી.એલ.સંતોષ બેઠકનું નેતૃત્વ કરશે. દિલ્લી ભાજપ કાર્યાલય ખાતે મળનારી આ બેઠકમાં PM મોદી પણ ભાગ લેશે. આ બેઠકમાં ભાજપ શાસિત રાજ્યોના CM, DYCM હાજર રહેશે. જેમાં આવનારી વિધાનસભા અને 2024ની ચૂંટણીને લઇને મંથન થશે. 

નવા રાષ્ટ્ર્રપતિની શપથવિધિ ભાગ લેશે સી.આર.પાટીલ-ભૂપેન્દ્ર પટેલ 

આગામી ૨૫ જુલાઇના રોજ દેશમાં નવા રાષ્ટ્ર્રપતિની શપથવિધિ છે. આ પૂર્વે તા. ૨૪ના રોજ વિદાય લેતા રાષ્ટ્ર્રપતિને ખાસ વિદાયમાન અપાશે. આ પ્રસંગે દેશભરમાંથી ભાજપ શાસનના મુખ્યમંત્રીઓ અને પક્ષના ટોચના હોદેદારો તથા મુખ્યમંત્રીઓ જે રાજ્યમાં નાયબ મુખ્યમંત્રીઓ છે તે તમામ હાજર રહેશે. જેને લઈ ગુજરાતમાંથી તા. ૨૪ના રોજ મુખ્યમંત્રી ભુપેન્દ્ર પટેલ તથા પ્રદેશ પ્રમુખ સી.આર. પાટીલ પણ હાજર રહેશે.