મોટી 'હાર' / 20 નેતામાંથી એવા ધુરંધર નેતા કે જેઓ પોતાની સીટ પણ ન બચાવી શક્યા, અનેક મુખ્યમંત્રીઓ સામેલ

• 5 રાજ્યોની ચૂંટણીના જાહેર થયા પરિણામ
• 4 રાજ્યોમાં ભાજપને પ્રચંડ જનપ્રતિસાદ
• પંજાબમાં આમ આદમી પાર્ટીને સ્પષ્ટ બહુમતી

પાંચ રાજ્યોમાં થયેલી વિધાનસભા ચૂંટણીના પરિણામ આજે જાહેર કરવામાં આવી રહ્યા છે. ભાજપને 4 રાજ્યોમાં ભારે સમર્થન મળ્યું છે. તો પંજાબમાં આમ આદમી પાર્ટીને પૂર્ણ બહુમતી મળતી દેખાઇ રહી છે. ઉત્તપ્રદેશની 403, પંજાબની 117, ગોવાની 40, ઉત્તરાખંડની 70 અને મણિપુરની 60 બેઠકો પર થયેલી ચૂંટણીના પરિણામ આજે જાહેર કરવામાં આવી રહ્યા છે. ત્યારે જાણો કયા દિગ્ગજ હાર્યા અને કયા દિગ્ગજની થઈ જીત. 

1. ઉત્તરાખંડમાં મોટો ઉલટફેરઃ મુખ્યમંત્રી પુષ્કરસિંહ ધામીની વિધાનસભા ચૂંટણીમાં ખટીમા બેઠક પર હાર.
2. ઉત્તરાખંડના પૂર્વ મુખ્યમંત્રી હરીશ રાવતને વર્ષ 2017, 2019 બાદ સતત ત્રીજી વખત 2022માં પણ હાર મળી.
3. ઉત્તરપ્રદેશની ગોરખપુર બેઠકથી મુખ્યમંત્રી યોગી આદિત્યનાથ 1 લાખ 2 હજાર મતથી જીત્યા.
4. ઉત્તરપ્રદેશની કરહલ સીટ પરથી અખિલેશ યાદવ જીત્યા, BJPના કેન્દ્રીય મંત્રીને હરાવ્યા.
5. ઉત્તરપ્રદેશઃ ભાજપ છોડી સપામાં જોડાયેલા સ્વામી પ્રસાદ મૌર્ય ચૂંટણી હાર્યા.
6. ઉત્તરપ્રદેશના કુંડામાં રઘુરાજ પ્રતાપસિંહ ઉર્ફ રાજા ભૈયાની સતત 7મી વખત જીત.
7. ઉત્તરપ્રદેશની રામપુર બેઠક પરથી આઝમ ખાનની જીત, જેલમાં 10મી વખત બન્યા ધારાસભ્ય.
8. ઉત્તરપ્રદેશમાં ગોરખપુર બેઠક પરથી સીએમ યોગીની સામે લડનારા ચંદ્રશેખર આઝાદની હાર
9. પંજાબના મુખ્યમંત્રી ચરણજીત સિંહ ચન્ની ભદૌર અને ચમકૌર સાહિબ એમ બન્ને બેઠકો પરથી હાર્યાં.
10. પંજાબ આપના મુખ્યમંત્રી ઉમેદવારની ભગવંત માન રેકોર્ડ 58 હજાર વોટથી જીત્યા.
11. પંજાબના નાયબ મુખ્યમંત્રી સુખબીર બાદલ જલાલાબાદથી હાર્યા.
12. પંજાબની અમૃતસર ઈસ્ટ બેઠકથી કોંગ્રેસ પ્રમુખ નવજોત સિંહ સિદ્ધુની હાર થઇ.
13. પંજાબની અમૃતસર ઈસ્ટ બેઠકથી શિરોમણી અકાળી દળના નેતા બિક્રમસિંહ મજીઠિયાની થઇ હાર.
14. પંજાબની પટિયાલા બેઠકથી પૂર્વ મુખ્યમંત્રી કેપ્ટન અમરિંદર સિંહની 19 હજાર મતોથી હાર થઇ.
15. પંજાબના 5 વખત મુખ્યમંત્રી રહી ચૂકેલા પ્રકાશસિંહ બાદલની હાર થઈ.
16. પંજાબના પૂર્વ મુખ્યમંત્રી અને કોંગ્રેસના દિગ્ગજ નેતા રાજિંદર કૌલ ભટ્ટલની હાર થઈ.
17. પંજાબના મોગા બેઠકથી કોંગ્રેસ ઉમેદવાર માલવિકા સૂદને આપની ડૉ. અમનદીપ કૌર અરોરાએ હરાવ્યા.
18. ગંગોત્રી બેઠક પરથી આપના કર્નલ અજય કોઠિયાલની ચૂંટણીમાં હાર, ભાજપના સુરેશ સિંહ ચૌહાણ જીત્યા
19. મણિપુરના મુખ્યમંત્રી એન. બીરેન સિંહની 17 હજારથી વધુ મતે જીત
20. ગોવાના મુખ્યમંત્રી પ્રમોદ સાવંત ચૂંટણી જીત્યા.