યુપી અને પંજાબ સહિત 5 રાજ્યોની વિધાનસભાની ચૂંટણીને લઈને હલચલ તેજ બની છે.
5 રાજ્યોની વિધાનસભા ચૂંટણીને લઈને હલચલ તેજ
જાન્યુઆરીમાં 5 રાજ્યોની ચૂંટણી જાહેર થઈ શકે
15 ડિસેમ્બરથી ચૂંટણી પંચનો પ્રવાસ શરુ થઈ રહ્યો છે
આવતીકાલે એટલે કે 15 ડિસેમ્બરથી ચૂંટણી પંચ પંજાબથી પ્રવાસ શરુ કરી રહ્યું છે. ચૂંટણી પંચની ટીમ 15 અને 16 તારીખે પંજાબમાં રહેશે અને ચૂંટણીની સમિક્ષા કરશે.
મુખ્ય ચૂંટણી કમિશનર સુશીલ ચંદ્રા, ચૂંટણી કમિશનર રાજીવ કુમાર અને ચૂંટણી કમિશનર અનૂપ ચંદ્ર પાંડની ઉપરાંત ચૂંટણી પંચના બીજા અધિકારીઓ પંજાબની મુલાકાત લેશે. ટીમ પંજાબના તમામ અધિકારીઓને મળશે અને રાજ્યના વરિષ્ઠ પોલીસ અધિકારીઓ સાથે પણ મુલાકાત કરશે.
ડિસેમ્બરના અંતમાં યુપીનો પ્રવાસ
ચૂંટણી પંચની ટીમ ડિસેમ્બરના અંતમાં યુપીનો પ્રવાસ રશે અને યુપીના તમામ અધિકારીઓની મળીને ચૂંટણી તૈયારીઓની સમીક્ષા કરશે. યુપીમાં ઘણા તબક્કામાં મતદાન કરશે અને આ વખતે પણ વધારે તબક્કામાં મતદાનની જાહેરાત થવાની શક્યતા છે.
જાન્યુઆરી 2022 માં જાહેરાત થઈ શકે, ફેબ્રુઆરી-માર્ચમાં મતદાન અને મતગણતરી
ચૂંટણી પંચના સૂત્રોના જણાવ્યાનુસાર જાન્યુઆરી 2022 માં પાંચ રાજ્યોની વિધાનસભાની ચૂંટણીની જાહેરાત થઈ શકે છે, ફેબ્રુઆરી અને માર્ચ મહિનામાં મતદાન અને મતગણતરીની તારીખ જાહેર થઈ શકે છે. ચૂંટણી પ્રક્રિયાની શરુઆત જાન્યુઆરી મહિનામાં શરુ થઈ શકે છે.
5 રાજ્યોમાં યોજાશે ની વિધાનસભાની ચૂંટણી
2022 માં પંજાબ અને યુપી સહિત પાંચ રાજ્યોની વિધાનસભાની ચૂંટણી યોજાવાની છે. ભાજપે યુપી જીતવા માટે અત્યારથી કમર કસી છે. પ્રધાનમંત્રી મોદી પણ આગામી દિવસોમાં યુપીમાં મોટી ચૂંટણી રેલીને સંબોધિત કરી શકે છે.