Assembly Election 2021 / ઉમેદવારના નામને લઈને આજે નિર્ણય લેશે ભાજપ, મોદી અને શાહ લેશે CECની બેઠકમાં ભાગ

• 5 રાજ્યોના ઉમેદવારોને લઈને નિર્ણય લેશે ભાજપ
• પીએમ મોદી, જેપી નડ્ડા, શાહ બેઠકમાં આપશે હાજરી
• તમિલનાડુમાં કુલ 26 બેઠકો પર ભાજપ ચૂંટણી લડશે

5 રાજ્યોમાં ચૂંટણીને લઈને આજે ભાજપ પોતાના ઉમેદવારોને નક્કી કરી શકે છે. ભારતીય જનતા પાર્ટીના કેન્દ્રીય ચૂંટણી સમિતિની બેઠક શનિવારે સાંજે પીએમ મોદી, રાષ્ટ્રીય અધ્યક્ષ જેપી નડ્ડા અને મહાસચિવ બીએલ સંતોષની હાજરીમાં થશે. બેઠકમાં કેન્દ્રીય ગૃહમંત્રી અમિત શાહ, રક્ષામંત્રી રાજનાથ સિંહ, કેન્દ્રીય મંત્રી નિતિન ગડકરી, કેન્દ્રીય મંત્રી થાવર ચંદ ગહેલોત, મધ્યપ્રદેશના મુખ્યમંત્રી શિવરાજ સિંહ ચૌહાણ અને બિહારના મંત્રી શાહનવાઝ હુસૈન પણ સામેલ થશે.  

 
આ રાજ્યોના ઉમેદવારો પર થઈ શકે છે નિર્ણય

માનવામાં આવી રહ્યું છે કે ભાજપ તમિલનાડુ સહિત દક્ષિણી રાજ્યોને માટે ઉમેદવારોને લઈને નિર્ણય કરી શકે છે. તમિલનાડુમાં ભાજપ 26 સીટ માટે ચૂંટણી લડશે. પાર્ટી પહેલાં જ બંગાળ અને આસામમાં 2 તબક્કા માટે ઉમેદવારોની જાહેરાત કરી ચૂકી છે. માનવામાં આવી રહ્યું છે કે કેન્દ્રીય ચૂંટણી સમિતિની બેઠકમાં આસામના ત્રીજા અને બંગાળને માટે ઓછામાં ઓછા 2 ચરણને માટે ઉમેદવારોનો નિર્ણય લેવાશે. 
 

મળતી માહિતી અનુસાર બેઠક પહેલાં તમિલનાડુ અને કેરળના મુખ્ય સમૂહ નડ્ડાને દિલ્હીના નિવાસ સ્થાને મળશે, શાહ અને બીએલ સંતોષ પણ બેઠકમાં સામેલ થયા છે. ભાજપ પશ્ચિમ બંગાળને લઈને ખાસ મહેનત કરી રહી છે. આ સાથે જ બેઠકમાં ભાગ લેવા માટે ભાજપના બંગાળના પ્રભારી કૈલાશ વિજયવર્ગીય, પ્રદેશ અધ્યક્ષ દિલિપ ધોષ, રાષ્ટ્રીય ઉપાધ્યક્ષ મુકુલ રોય, પાર્ટીના નેતા સુવેન્દુ અધિકારી તથા રાજીવ બેનર્જી પણ શુક્રવારે દિલ્હી માટે રવાના થયા છે. અન્ય તરફ આસામમાં પણ ભાજપને આશા છે કે મુખ્યમંત્રી  સર્બાનંદ સોનોવાલના નેતૃત્વમાં ફરીથી ચૂંટાઈને આવી શકે છે. પાર્ટીની બેઠકમાં સોનોવાલ, સ્વાસ્થ્ય મંત્રી હિમંત બિસ્વા સરમા, રાષ્ટ્રીય ણહાસચિવ દિલિપ સૈકિયા, રાજ્ય પ્રભારી જય પાંડા અને અન્ય લોકોના પણ ભાગ લેવાની આશા છે.