રાજરમત / વિધાનસભા પેટાચૂંટણી: પરેશ ધાનાણીનો ગઢ ગણાતી 'ધારી' બેઠક જીતવા ભાજપનો આ માસ્ટર પ્લાન

• વિધાનસભાની પેટા ચૂંટણીનું રાજકારણ ગરમાયુ
• ધારી બેઠક જીતવી બંને પક્ષ માટે પ્રતિષ્ઠાનો જંગ
• અમરેલી નેતા વિપક્ષ પરેશ ધાનાણીનો જિલ્લો

ભાજપ જે.વી કાકડીયાના પત્નીને મેદાનમાં ઉતારી શકે છે. જે.વી કાકડીયાના પત્ની કોકિલાબેન કાકડિયા રાજનીતિમાં સક્રિય છે. ત્યારે કોંગ્રેસ પણ પોતાનું મહિલા કાર્ડ રમી શકે છે. MLA વીરજી ઠુમ્મરની પુત્રી જેની ઠુમ્મરને કોંગ્રેસ મેદાનમાં ઉતારી શકે છે.

રાજ્યની 8 વિધાનસભા પેટા ચૂંટણી યોજાશે. ત્યારે ભાજપમાં જોડાયેલા કોંગ્રેસના 2 MLAને ટીકીટ મળવાના સંકેત છે. કોંગ્રેસના 5 પૂર્વ MLAમાંથી માત્ર 2 ને જ ટીકીટ મળવાના સંકેત છે. જીતુ ચૌધરી, અક્ષય પટેલ અથવા બ્રિજેશ મેરજાને ટીકીટની વિચારણા કરવામાં આવી રહી છે. પેટા ચૂંટણી લડવાની શરત સાથે ધારાસભ્યો ભાજપમાં જોડાયા હતા. જીતુ ચૌધરી કપરાડાને વિધાનસભાથી ચૂંટણી લડાવાના સંકેત છે. જ્યારે અક્ષય પટેલને ટીકીટ મળશે તો કરજણથી ચૂંટણી લડશે.

ઉપરાંત બ્રિજેશ મેરજાને ટીકીટ મળશે તો મોરબીથી ચૂંટણી લડશે. અન્ય કોંગ્રેસના પૂર્વ ધારાસભ્ય 2022માં ચૂંટણી લડે તેવી સંભાવના છે. પ્રદ્યુમનસિંહ, જે.વી કાકાડીયાને 2022માં ચૂંટણી લડાવાઈ તેવી શક્યતા છે.

રાજ્યસભાની ચૂંટણીમાં રાજીનામુ આપ્યા બાદ આઠમાંથી પાંચ ધરાસભ્યો ભાજપમાં પ્રવેશ કર્યો છે. ભાજપમાં પ્રવેશ સાથે સાથે ભાજપ દ્વારા પણ આવનાર સમયમાં યોજાનાર પેટાચૂંટણીમાં તૈયાર આરંભી દીધી છે.  જે અંતર્ગત આજે ભજપની કોર કમિટી બેઠક યોજાઈ અને જિલ્લા પ્રમાણે સરકારના મંત્રીઓ અને સંગઠનના હોદ્દેદારોને જવાબદારી સોંપાઈ. 

કોને કઈ જવાબદારી સોંપાઈ ?  

• અબડાસા બેઠક- ભુપેન્દ્રસિંહ ચુડાસમાં, કે.સી.પટેલ
• લીમડી બેઠક- આર.સી.ફળદુ, નીતિન ભરદ્વાજ
• કરજણ બેઠક- પ્રદીપસિંહજાડેજા, શબ્દસરણ બ્રહ્મભટ્ટ
• ડાંગ બેઠક - ગણપત વસાવા, ધારાસભ્ય પુર્ણેશ મોદી
• કપરાડા બેઠક- ઈશ્વર પટેલ, ભરતસિંહ પરમાર
• મોરબી બેઠક- સૌરભ પટેલ, આઈ.કે.જાડેજા
• ગઢડા બેઠક- કુંવરજી બાવળિયા, ગોરધન ઝડફિયા
• ધારી બેઠક- ધર્મેન્દ્રસિંહ જાડેજા,ધનસુખ ભંડેરી