ન્યૂઝીલેન્ડના ક્રાઇસ્ટચર્ચમાં થયેલા ફાયરિંગ દરમિયાન 49 લોકોના મોત નિપજયાં હતા. જો કે આ ઘટના બાદ દેશમાં હથિયાર પર પ્રતિબંધ લગાવાની માંગણીને ધ્યાનમાં રાખીને વડાપ્રધાન જેસિન્ડા અર્ડને સેમી-ઓટોમેટિક રાઇફલ્સના વેચાણ પર પ્રતિબંધ લગાવાની જાહેરાત કરી છે.
ન્યૂઝીલેન્ડના પીએમએ જણાવ્યું કે અમે બધી સેમી ઓટોમેટિક રાઇફલ, ઉચ્ચ ક્ષમતાવાળી મેગઝીન અને તેના પાર્ટસ પર પ્રતિબંધ લગાવી રહ્યાં છે. જેના કારણે કોઇપણ હથિયારને વધુ ધાતક ન બનાવી શકાય. ન્યૂઝીલેન્ડમાં ક્રાઇસ્ટચર્ચમાં ફાયરિંગ કરનાર વ્યક્તિની ઓળખ બ્રેટન ટેરેન્ટ તરીકે કરવામાં આવી છે જેનો જન્મ ઓસ્ટ્રેલિયામાં થયો છે.
શુક્રવારના રોજ ઓસ્ટ્રેલિયાના વડાપ્રધાન સ્કૉટ મોરિસને આ અંગે પુષ્ટી કરી હતી. સ્કૉટ મોરિસને જણાવ્યું હતું કે ન્યૂઝીલેન્ડમાં જેની ધરપકડ કરવામાં આવી છે તે ઓસ્ટ્રેલિયાનો નાગરિક છે. મોરિસને કહ્યું કે આ શખ્સ 'દક્ષિણપંથી આતંકવાદી' છે. પીએમ મોરિસનના જણાવ્યા અનુસારા ઓસ્ટ્રેલિયાનું પ્રશાસન તપાસમાં ન્યૂઝીલેન્ડને મદદ કરશે.
ઉલ્લેખનીય છે કે ન્યૂઝીલેન્ડના ક્રાઇસ્ટચર્ચની બે મસ્જિદોમાં શુક્રવારે બંદૂકધારીના હુમલામાં 49 લોકોના મોત થઇ ગયા, જ્યારે 20થી વધુ લોકો ઇજાગ્રસ્ત થયા હતાં. ન્યૂઝીલેન્ડના વડાપ્રધાન જૈસિંડા અર્ડર્નએ આ ફાયરિંગને ન્યૂઝીલેન્ડના સૌથી બ્લેક દિવસોમાંનો એક ગણાવ્યો હતો.