આસામના બારપેટા જિલ્લામાં શનિવારે મોટો વંટોળ આવ્યો હતો. જેને જોઈને લોકો આશ્ચર્યચકિત થઈ ગયા હતા.
આસામમાં આવ્યો જબરદસ્ત વંટોળ
હવામાન વિભાગે જણાવી આ વાત
લોકોએ કેમેરામાં કેદ કરી લીધી આ ઘટના
આસામના બારપેટા જિલ્લામાં શનિવારે મોટો વંટોળ આવ્યો હતો. જેને જોઈને લોકો આશ્ચર્યચકિત થઈ ગયા હતા. લોકોએ આ ભયાનક વંટોળને કેમેરામાં કેદ કરી લીધો હતો. હાલમાં આ વંટોળથી જાનમાલના નુકસાનના કોઈ સમાચાર આવ્યા નથી.હવામાન વિભાગે જણાવ્યું છે કે, શનિવારે આસામના બારપેટાના ચેંગા જિલ્લામાં એક ઓછી તિવ્રતાવાળો વંટોળ આવ્યો હતો, પણ આ ચક્રવાત નથી.
In the eye of the Tornado.
This one is in Senga of Barpeta district of Assam. pic.twitter.com/KVJHgSe0h5
અધિકારીઓએ જણાવ્યું હતું કે, દક્ષિણ અંડમાન સાગરમાં બનેલા નિમ્ન પ્રેશરના કારણે ચક્રવાતી તોફાનમાં પરિવર્તિત અને આગામી અઠવાડીયાની શરૂઆત સુધી આંધ્ર પ્રદેશ ઓડિશાના સમુદ્રિય તટ સુધી પહોંચવાની સંભાવના છે. હવામાન વિભાગે જણાવ્યું હતું કે, દક્ષિણ અંડમાન સાગર અને તેનાથી અડીને આવેલા દક્ષિણ પૂર્વ બંગાળની ખાડીમાં હવામાન સિસ્ટમના ઉત્તર પશ્ચિમ તરફ વધવા અને શનિવાર સુધી પ્રેશરના ક્ષેત્રમાં ફેરફાર થવાની સંભાવના છે. આ રવિવાર સાંજ સુધી ચક્રવાતી તોફાનમાં પરિવર્તિત થઈ શકે છે.
ઓડિશા સરકારના જણાવ્યા અનુસાર, હવામાનના પૂર્વાનુમાનને જોતા ફાયર અને ઈમરજન્સી સેવાને તૈયાર રહેવા માટે એલર્ટ આપી દેવામા આવ્યું છે. ક્ષેત્રમાં પાછલા ત્રણ ઉનાળામાં ચક્રવાતી તોફાન આવ્યા હતા. ઓડિશામાં 2021માં યાસ, 2020માં અમ્ફાન અને 2019માં ફાની તોફાન આવ્યું હતું.