દેશભરમાં એકતરફ પેટ્રોલ-ડિઝલના ભાવ ભડકે બળી રહ્યા છે ત્યારે વિધાનસભા ચૂંટણી પહેલા આસામ સરકારે પેટ્રોલના ભાવમાં 5 રૂપિયાનો ઘટાડો કર્યો છે. ત્યારે સવાલ એ થાય છે કે, ગુજરાત સરકાર આમાંથી કાઇ બોધ લેશે કે નહીં ?
પેટ્રોલ-ડિઝલના ભાવ ભડકે બળ્યા
આસામ સરકારનો મોટો નિર્મણ
ચૂંટણી પહેલા પેટ્રોલ-ડિઝલના ભાવમાં કર્યો 5 રૂપિયાનો ઘટાડો
પ્રાપ્ત થતી જાણકારી પ્રમાણે, આસામ સરકારે પેટ્રોલ-ડિઝલ અને દારૂ પર લાગતા એડિશનલ સેસને લઈને મહત્વનો નિર્ણય લીધો છે. આ નિર્ણય બેઠળ સરકારે પેટ્રોલ-ડિઝલના ભાવમાં 5 રૂપિયાનો ઘટાડો કર્યો છે. તો દારૂના ભાવમાં પણ 25 ટકાનો ઘટાડો કર્યો છે.
આસામમાં પેટ્રોલના ભાવમાં 5 રૂપિયાનો ઘટાડો
નાણામંત્રી હિંમત બિસ્વા સરમાએ શુક્રવારે વિધાનસભામાં 60,784.03 કરોડ રૂપિયાનું વોટ ઓન એકાઉન્ટ રજૂ કર્યું અને સાથે જ પેટ્રોલ-ડિઝલ પર લાગતો એડિશનલ સેસ પમ પરત લેવાની જાહેરાત કરી હતી. આ નિર્ણય બાદ આસામમાં પેટ્રોલના ભાવમાં 5 રૂપિયાનો ઘટાડો થયો છે.
25 ટકા એડિશનલ સેસને હટાવવાનો પ્રસ્તાવ
ઉલ્લેખનીય છે કે, હિમંત બિસ્વા સરમાએ આ દરમિયાન આલ્કોહોલિક પેય પર લાગતા 25 ટકા એડિશનલ સેસને હટાવવાનો પ્રસ્તાવ રજૂ કર્યો હતો. આ એડિશનલ સેસ ગત વર્ષે લાગુ કરવામાં આવ્યો હતો.
આજે મધ્યરાત્રિથી અમલી બનશે ભાવ ઘટાડો
પોતાના ભાષણમાં હિમંત બિસ્વા સરમાણે કહ્યું- જ્યારે કોવિડ-19 પીક પર હતો ત્યારે અમે પેટ્રોલ, ડિઝલ અને દારૂ પર એડિશનલ સેસ લગાવ્યો હતો. હવે કોવિડના દર્દીઓની સંખ્યા ઘટી છે, હું અમારી કેબિનેટના સહયોગીનો આભાર માનુ છું, જેમણે મારા એડિશનલ સેસ હટાવવાના પ્રસ્તાવ પર સહમતિ દર્શાવી છે. હવે રાજ્યમાં પેટ્રોલ-ડિઝલના ભાવમાં 5 રૂપિયાનો ઘટાડો થયો છે. આ ઘટાડો 12 ફેબ્રુઆરીની રાતથી અમલી બનશે અને આસામની જનતાને તેને લાભ મળશે.
વોટ ઓન એકાઉન્ટ બજેટ રજૂ થયું
નાણામંત્રીએ ચાલુ નાણકીય વર્ષ પહેલા 6 મહિના માટે 60,784.03 રૂપિયાનું વોટ ઓન એકાઉન્ટ રજૂ કર્યું હતું. નાણમંત્રીએ જાણકારી આપી કે, આસામમાં GSDP 2,02,080.85 રૂપિયા વધીને 2,48,796.15 રૂપિયા થઈ ગઈ છે. આ વર્ષ 2016 થી 2019થી 2020ના આંકડા છે. આ દરમિયાન વાર્ષિક ગ્રોથ રેટ 7.71 રહ્યો જ્યારે દેશનો ગ્રોથ રેટ આ દરમિયાન 6.11 ટકા હતો.