રાષ્ટ્રીય નાગરિક રજિસ્ટ્ર (NRC) તૈયાર થવાની પ્રક્રિયામાં હવે માત્ર એક દિવસ બાકી રહ્યો છે. 31 ઓગસ્ટના રોજ NRC જાહેર કરવામાં આવશે. આ અગાઉ આસામમાં પોલીસે પ્રદેશમાં અફવા અને ભ્રમની પરિસ્થિતિ ઉભી કરનારાઓ સામે પગલા લેવાની તૈયારી કરી દીધી છે.
31 ઓગસ્ટના રોજ NRCની યાદી જાહેર થશે
3.29 કરોડ અરજીમાંથી અંદાજે 2.9 કરોડ લોકના નામ સામેલ
નામ નહી આવનાર લોકોને આસામ સરકાર મફતમાં કાયદાકીય મદદ કરશે
રાજ્યની પોલીસે લોકોને ભ્રમ ઉભો કરવાનો પ્રયત્ન કરનાર તત્વો દ્વારા ફેલાવવામાં આવી રહેલી અફવાઓથી દૂર રહેવા અપીલ કરી છે. પોલીસે કહ્યું છે કે સરકાર દ્વારા જેનું નામ NRCમાં નથી આવ્યું તેવા સમુહની સુરક્ષાની વ્યવસ્થા કરવામાં આવી છે.
આસામમાં NRC બહાર પાડવાના સમય દરમિયાન શાંતિ અને વ્યવસ્થા રાખવા સુરક્ષા સઘન કરવામાં આવી છે. સુરક્ષાને ધ્યાનમાં રાખી રાજ્યના અલગ-અલગ વિસ્તારમાં ધારા 144 લાગુ કરી દેવામાં આવી છે.
NRCને રાજ્યમાં નાગરિકોને ગેરકાયદે બાંગ્લાદેશીઓથી બચાવવા માટે સુરક્ષા કવચ અને આસામની ઓળખના પુરાવા તરીકે જોવામાં આવે છે. રાષ્ટ્રીય નાગરિકતા રજિસ્ટરને લઇને સુપ્રીમ કોર્ટની હેઠળ અંદાજે ચાર વર્ષથી ચાલી રહેલી કાર્યવાહી 31 ઓગસ્ટના રોજ સામે આવશે.
ગત 31 જૂલાઇના રોજ જાહેર કરવામાં આવેલી NRC ડ્રાફ્ટમાં 40.7 લાખ લોકોના નામ યાદીમાંથી બહાર કરવામાં આવ્યા હતા. ત્યાર પછી 26 જૂનના રોજ 2019ના રોજ એક વધુ ડ્રાફટ તૈયાર કરવામાં આવ્યો જેમાં અંદાજે એક લાખ વધુ લોકોના નામ યાદીમાંથી બહાર કરવામાં આવ્યા હતા. આમ કુલ 3.29 કરોડ અરજીમાંથી 2.9 કરોડ લોકો NRCમાં સામેલ કરવામાં આવ્યા છે.