વિવાદ / મિઝોરમના જવાનોએ ગોળાબાર કર્યા બાદ કર્યુ સેલિબ્રેશન? આસામના CMએ ટ્વીટ કર્યો વીડિયો

• આસામ પોલીસના ઓછામાં ઓછા 5 જવાનોના મોત
•  50થી વધારે જવાન ઘાયલ
• મિઝોરમમાં સેલિબ્રેશન કરવામાં આવ્યું- આસામ સીએમ

આસામ પોલીસના ઓછામાં ઓછા 5 જવાનોના મોત

આસામ અને મિઝોરમની વચ્ચે હદનો વિવાદ અચાનક સંઘર્ષમાં ફેરવાઈ ગયો છે. જેને કારણે સંવૈધાનિક સીમા’ની સુરક્ષા કરી રહેલી આસામ પોલીસના ઓછામાં ઓછા 5 જવાનોના મોત થયા છે. ત્યારે પોલીસ અધિક્ષક સહિત 60 અન્ય ઘાયલ થયા છે. બન્ને પક્ષોએ હિંસા માટે એક બીજાને જવાબદાર ગણાવ્યા અને કેન્દ્રના હસ્તક્ષેપની માંગ કરી છે. આ પહેલા આસામના મુખ્યમંત્રી હિમંત બિસ્વા સરમાએ દાવો કર્યો હતો કે ઝડપમાં 6 પોલીસ કર્મીઓના મોત થયા બાદ સોમવારે મોડી રાતે આસામ સરકારે એક નિવેદનમાં મૃતકોની સંખ્યામાં સંશોધન કર્યુ અને કહ્યું 5 પોલીસ કર્મીના મોત થયા છે. જ્યારે 50થી વધારે જવાન ઘાયલ થયા છે. આસામના કછાર જિલ્લાના અધિકારીઓએ કહ્યું કે સંઘર્ષમાં 10 અન્ય લોકો પણ ઘાયલ થયા છે. 

After killing 5 Assam police personnel and injuring many , this is how Mizoram police and goons are celebrating.- sad and horrific pic.twitter.com/fBwvGIOQWr

— Himanta Biswa Sarma (@himantabiswa) July 26, 2021

મિઝોરમમાં સેલિબ્રેશન કરવામાં આવ્યું- આસામ સીએમ

આ હિંસા બાદ મિઝોરમ અને આસામના મુખ્યમંત્રીની વચ્ચે સોશિયલ મીડિયા પર જંગ છેડાઈ છે. આસામના સીએમે સોમવારે રાતે 11.21 વાગે એક વીડિયો ટ્વીટ કરી દાવો કર્યો હતો ગોળીબારીની વચ્ચે મિઝોરમમાં સેલિબ્રેશન કરવામાં આવ્યું. 29 સેકેન્ડના આ વીડિયોમાં જોઈ શકાય છે કે કેવી રીતી પોલીસકર્મી અને કેટલાક સામાન્ય લોકો મળીને એક બીજાને અભિનંદન પાઠવી રહ્યા છે. વીટીવી ડોટ. કોમ આ વીડિયોની પુષ્ટિ નથી કરી રહ્યું.

કેન્દ્રીય ગૃહમંત્રાલયે પણ દખલ કરી

બીજી તરફ સૂત્રોના જણાવ્યાનુસાર બન્ને રાજ્યો વચ્ચેની તંગદિલી વધતી જોઈને કેન્દ્રીય ગૃહમંત્રાલયે પણ દખલ કરી છે. મીડિયા રિપોર્ટ અનુસાર કેન્દ્રીય ગૃહમંત્રી અમિત શાહે બન્ને રાજ્યોના મુખ્યમંત્રીઓ સાથે વાત કરી અને સરહદીય વિવાદનો ઉકેલ લાવવાનું જણાવ્યું છે. બન્ને મુખ્યમંત્રીઓ સરહદીય વિવાદ ઉકેલવવા રાજી છે અને શાંતિ ઈચ્છે છે. વિવાદીત સ્થળેથી બન્ને રાજ્યોની પોલીસ હટી ગઈ છે. 

જાણો શું છે સમગ્ર વિવાદ

બંને રાજ્યો વચ્ચે તણાવ ત્યારે સર્જાયો જ્યારે આસામ પોલીસે રાજ્યની જમીન હડપી લેવા માટે બોર્ડર પર અતિક્રમણ કરવાનું શરૂ કર્યું હતું. 10 જુલાઈના દિવસે જ્યારે આસામ સરકારની ટીમ ઘટનાસ્થળ પર પહોંચી ત્યારે એમના પર કેટલાક અસામાજિક તત્વોએ બોમ્બ ફેંકીને હુમલો કર્યો હતો.આમ તો બંને પાડોશી રાજ્યો વચ્ચે સરહદ વિવાદ જૂનો છે. બંને રાજ્યોએ સરહદ વિવાદને કતમ કરવા માટે વર્ષ 1995 બાદથી ઘણી વાર્તાઓ કરી પરંતુ તેનો કોઈ ફાયદો થયો નથી. મિઝોરમના ત્રણ જિલ્લા આઇઝોલ, કોલાસિબ અને મમિત અને અસમના ત્રણ જિલ્લા કછાર, કરીમગંજ અને હૈલાકાન્ડી એકબીજા સાથે જોડાયેલા છે. રાજ્યોના આ જિલ્લા એકબીજા સાથે લગભગ 164.6 કિલોમીટરની લાંબી સરહદ શેર કરે છે. હાલનો વિવાદ એવા સમયે સામે આવ્યો છે જ્યારે અમિત શાહે પૂર્વોત્તરનો પ્રવાસ કર્યો હતો.