OMG / ફેસબુક પર HIV પોઝિટિવ યુવક સાથે યુવતીને થયો પ્રેમ, દુનિયા સામે પ્રેમ સાબિત કરવા ઉઠાવ્યું ખતરનાક પગલું

• આસામમાંથી ચોંકાવનારો કિસ્સો સામે આવ્યો
• ફેસબુક પર એક યુવતીને યુવક સાથે થયો પ્રેમ
• યુવક HIV પોઝિટિવ નિકળતા યુવતીએ ખતરનાક પગલુ ભર્યું

માણસ કોઈના પ્રેમમાં કેટલી હદ સુધી જઈ શકે, તેનું ઉદાહરણ આસામમાંથી જોવા મળ્યું છે. જ્યાં એક યુવતીએ એક છોકરાના પ્રેમમાં પડીને આખી જીંદગી દાવ પર લગાવી દીધી. હકીકતમાં જોઈએ તો, છોકરીને જે છોકરા સાતે પ્રેમ થયો તે એક HIV પોઝિટિવ હતો. 

છોકરીએ પોતાનો પ્રેમ સાબિત કરવા માટે એચઆઈવી પોઝિટિવ છોકરાની બોડીમાંથી લોહી કાઢી અને તેને ઈંજેક્શન દ્વારા પોતાના શરીરમાં નાખ્યું. યુવતીની આ પ્રકારના હરકત સાંભળીને સૌ કોઈ ચોંકી ગયા હતા. પોલીસને જેવી આ મામલે જાણકારી મળી તો, આ બંનેને પકડીને મેડીકલ ચેકઅપ માટે મોકલી દીધા હતા. 

ફેસબુક પર થઈ દોસ્તી

સ્થાનિક મીડિયામાં જણાવ્યા અનુસાર આસામની 15 વર્ષિય યુવતીને ફેસબુક પર એક યુવક સાથે દોસ્તી થઈ હતી. જોત જોતામાં આ દોસ્તી પ્રેમમાં ફેરવાઈ. બસ પછી તો શું હતું. યુવતીએ ઘરવાળા સામે પોતાના સંબંધને લઈને વાત કહી. જેને પરિવારે માનવાની ના પાડી. ત્યાર બાદ છોકરીએ બળવો કરીને યુવક સાથે ઘરેથી ભાગી ગઈ. બંનેના પરિવાર તેમને સમજાવી અને મનાવીને ઘરે લઈ આવ્યા, પણ છોકરી પ્રેમમાં એટલી પાગલ હતી કે, કેટલીય વાર તે ઘરેથી ભાગી ગઈ. 

યુવતીએ ઉઠાવ્યું ખતરનાક પગલું

થોડા મહિના પહેલા યુવતીના પરિજનોને ખબર પડી કે, યુવક એચઆઈવી પોઝિટિવ છે. એટલા માેટ તેમણે આ સંબંધને મંજૂરી આપવાની ના પાડી દીધી. જેના પર છોકરીએ એવું પગલુ ભર્યું કે, જેના વિશે વિચારીને સૌ કોઈ હેરાન રહી ગયા. હકીકતમાં જોઈએ તો, છોકરીએ પોતાના પ્રેમીની બોડીમાં સિરિંઝ દ્વારા લોહી કાઢીને પોતાના શરીરમાં શરીરમાં ચડાવી દીધું.

યુવતીની આ પ્રકારની હરકતથી સૌ કોઈ ચોંકી ઉઠ્યા હતા. ટૂંક સમયમાં જ આ ઘટના સ્થાનિક મીડિયામાં ફેલાઈ ગઈ. પોલીસને જેવી આ ઘટના વિશે જાણવા મળ્યુ ંકે, તુરંત બંનેને પકડીને મેડીકલ ટેસ્ટ માટે મોકલી દીધા હતા.