આસામના મુખ્યમંત્રીને રસ્તા વચ્ચે જ એટલો બધો ગુસ્સો આવ્યો કે અધિકારીને જાહેરમાં તતડાવી નાંખ્યા, જેનો વીડિયો વાયરલ થઈ રહ્યો છે.
આસામના CMએ અધિકારીને આડે હાથ લીધા
કાર્યક્રમના સમયે ટ્રાફિક જામ થતા CM બગડ્યાં
રોડ વચ્ચે બધાની સામે અધિકારીનો ઉધેડો લીધો
ભારતમાં રાજનેતા જ્યારે સત્તાની ખુરશી પર હોય ત્યારે પાવર અલગ જ હોય છે. સાહેબ રસ્તા પરથી નીકળે લોકો જોતાં રહી જાય તેવો વટ પડતો હોય છે, આ સિવાય ઘણીવાર સત્તાધારીઓ અધિકારીઓ પર પોતાનો ગુસ્સો કાઢતો હોય તેવી પણ ઘણી ઘટનાઓ સામે આવી છે ત્યારે આસામના મુખ્યમંત્રીનો એક વીડિયો ખૂબ વાયરલ થઈ રહ્યો છે.
આસામના CM હેમંત બિસ્વા શર્મા અધિકારી પર થયા લાલઘુમ
આસામના મુખ્યમંત્રી હિમ્નતા બિસ્વા સરમા જ્યારે રસ્તામાંથી પસાર થઈ રહ્યા હતા ત્યારે તેમણે જોયું કે તેમના માટે રસ્તો બંધ કરાવી દેવામાં આવ્યો છે. તેઓ પોતે ગાડીમાંથી ઉતર્યા અને અધિકારીઓને બોલાવ્યા.
CM હેમંત બિસ્વા શર્માએ અધિકારીને બોલાવીને ખખડાવી નાખ્યા
હિમ્નતા બિસ્વા સરમાએ બધાની સામે જ અધિકારીને ખૂબ જ ગુસ્સામાં તતડાવી નાંખ્યા અને કહ્યું કે કોઈ રાજા મહારાજા આવી રહ્યા છે કે આવું કરો છો? લોકોને કષ્ટ થઈ રહ્યો છે. રસ્તો ખુલ્લો કર ફટાફટ.
મેં યાત્રા સમયે લોકોને અડચણ ન પડે તે માટે કહ્યું હતું છતાં ટ્રાફિક ઉભો રાખ્યો - આસામ CM
નોંધનીય છે કે આસામના મુખ્યમંત્રીએ પહેલા જ અધિકારીઓને સૂચના આપેલી છે કે જ્યારે મારો કાફલો નીકળે ત્યારે લોકોને અડચણ ન પડે તેનું ખાસ ધ્યાન રાખવું પરંતુ તેવું ન થતાં અધિકારીને જાહેરમાં તતડાવી નાંખ્યા હતા.