આસામના સીએમ હેમંત સરમાએ કોંગ્રેસ નેતા રાહુલ ગાંધીને ઈરાકના તાનાશાહ સદ્દામ હુસૈન જેવા ગણાવીને નિશાન પર લીધા.
આસામના સીએમ હેમંત સરમાનો રાહુલ પર અંગત હુમલો
રાહુલ ગાંધીને ઈરાકના તાનાશાહ સદ્દામ હુસૈન જેવા ગણાવ્યાં
ભારત જોડો યાત્રામાં હોવાથી રાહુલની દાઢી વધી છે
એટલે સરમાએ રાહુલ પર કર્યો આવો અંગત પ્રહાર
ગુજરાતમાં આગામી વિધાનસભાની ચૂંટણીનો પ્રચાર જોરશોરથી ચાલી રહ્યો છે. ભાજપના સ્ટાર પ્રચારકોમાં સામેલ આસામના મુખ્યમંત્રી હિમંત બિસ્વા સરમાએ ફરી એકવાર કોંગ્રેસ નેતા રાહુલ ગાંધી અને ભારત જોડો યાત્રા પર કટાક્ષ કર્યો છે. તેમણે કહ્યું છે કે રાહુલ ગાંધી આ દિવસોમાં ઇરાકના તાનાશાહ સદ્દામ હુસૈન જેવા દેખાય છે.
ચહેરો જ રાખવો હોય તો ગાંધી જેવો રાખો
ગુજરાતના ભાર્ગવ રોડ કુબેરનગરમાં પ્રચાર કરવા આવેલા હિમંત બિસ્વા સરમાએ કહ્યું છે કે, આજકાલ ભારત જોડો યાત્રામાં રાહુલ ગાંધીનો ચહેરો સદ્દામ હુસૈન જેવો દેખાય છે. તેમણે કહ્યું કે ચહેરો જ રાખવો હોય તો ગાંધી જેવો રાખો. કોંગ્રેસ પર પ્રહાર કરતા તેમણે કહ્યું કે, કોંગ્રેસ માત્ર બાબરનું નામ લે છે અને માત્ર એક જ ધર્મ આગળ રાખે છે.
राहुल गांधी गुजरात में दिखाई भी नहीं देते हैं, आजकल एक अतिथी के रूप में आए हैं। हिमाचल में चुनाव खत्म हो गया पर वे वहां भी नहीं गए थे। जिन प्रदेशों में चुनाव नहीं है, राहुल गांधी वहीं जाते हैं: असम के मुख्यमंत्री हिमंता बिस्वा सरमा, भार्गव रोड, कुबेरनगर, गुजरात pic.twitter.com/oGVdmvkc6b
રાહુલ ગાંધીને ચૂંટણી હારવાનો ડર
હિમંત બિસ્વા સરમાએ કહ્યું કે રાહુલ ગાંધી ગુજરાતમાં દેખાતા નથી, આજકાલ તેઓ મહેમાન બનીને આવ્યા છે. હિમાચલ પ્રદેશમાં ચૂંટણી પૂરી થઈ ગઈ છે, પરંતુ તેઓ ત્યાં પણ ગયા ન હતા. જે રાજ્યોમાં ચૂંટણી નથી ત્યાં જ જઈ રહ્યાં છે પરંતુ જ્યાં ચૂંટણી છે ત્યાં જ નથી જતા. તેમને હારવાનો ડર લાગે છે. તેઓ જાણે છે કે હું જ્યાં પણ જઈશ ત્યાં હું હારી જઈશ. તેમને જીતવાની કોઈ આશા નથી.
બોલિવુડ સ્ટારને યાત્રામાં જોડાવા પૈસા અપાયા
મહારાષ્ટ્રમાં ભારત જોડો યાત્રા દરમિયાન ઘણા બોલિવૂડ સ્ટાર્સ રાહુલ ગાંધી સાથે જોવા મળ્યા હતા. પૂજા ભટ્ટ, સુશતસિંહ, અમોલ પાલેકર, રિયા સેન અને રશ્મિ દેસાઈએ રાહુલ સાથે પદયાત્રા કરી હતી. આ વાતને લઈને ગંભીર આક્ષેપો કરતા ભાજપે કહ્યું હતું કે રાહુલ ગાંધી સાથે પદયાત્રામાં જોડાવા માટે બોલિવૂડ સ્ટારને પૈસા આપવામાં આવ્યા હતા.