વિવાદીત નિવેદન / શું અમે ક્યારેય પુરાવા માગ્યા કે આપ રાજીવ ગાંધીના દિકરા છો કે નહીં ? આસામના CMએ પ્રચારમાં હદ પાર કરી

• ચૂંટણી પ્રચારમાં રાહુલ ગાંધી પર વિવાદીત ટિપ્પણી
• નેતાઓની ભાષા કથળી
• દરેક વાતમાં પુરાવા માગવાનો લગાવ્યો આરોપ

ઉત્તરાખંડ ચૂંટણીની વચ્ચે નેતાઓની ભાષા એકદમ નિમ્ન સ્તરની થઈ જતી હોય છે. આ દરમિયાન આસામના મુખ્યમંત્રી હેમંત બિસ્વા સરમાએ ઉત્તરાખંડની જાહેરસભામાં રાહુલ ગાંધી પર આપવામાં આવેલા નિવેદન પર વિવાદ થઈ ગયો છે. આસામના સીએમે રાહુલ ગાંધી પર ટિપ્પણી કરતા કહ્યું કે, શુ અમે ક્યારેય પ્રુફ માગ્યું કે, આપ રાજીવ ગાંધીના દિકરા છો કે નહીં ? 

દરેક વાતમાં પુરાવા માગી રહ્યા છે રાહુલ ગાંધી- આસામ સીએમ બિસ્વા

આસામના મુખ્યમંત્રીએ જાહેરસભામાં સંબોધન કરતા કહ્યું હતું કે, રાહુલ ગાંધીએ સર્જીકલ સ્ટ્રાઈકના પુરાવા માગ્યા હતા. તેમણે જનરલ બિપિન રાવતના નેતૃત્વમાં ભારત અને પાકિસ્તાન પર સર્જિકલ સ્ટ્રાઈક કરી પણ તેમની મેંટાલિટી જોવો, રાહુલ ગાંધીએ તેમની પાસે પણ પ્રુફ માગ્યા. શું અમે ક્યારે પુરાવા માગ્યા કે આપ રાજીવ ગાંધીના દિકરા છો કે નહીં ? જો આર્મીએ કહી દીધું કે, સર્જિકલ સ્ટ્રાઈક કરી છે, તો આર્મી પાસે પુરાવા માગવાનો શું આપને અધિકાર છે ? આપને બિપિન રાવત પર વિશ્વાસ નહોતો ? 

Appeasement is in Congress’ DNA. It has worked relentlessly to appease the Muslims for getting their votes. But instead of working for their advancement, the party wants the Muslims to remain backward and hence is promoting madrassas and hijab. pic.twitter.com/a4eBLSTvaB

— Himanta Biswa Sarma (@himantabiswa) February 11, 2022

કોંગ્રેસ પોતાના પરિવાર માટે જીવે છે- હેમંત બિસ્વા સરમા

જાહેર સભા દરમિયાન આસામ સીએમ કહ્યું કે, અમેરિકા અને રશિયા સાથે ભારતે પણ વૈક્સિન બનાવી પણ કોંગ્રેસે વેક્સિન બનાવાનું પણ પ્રુફ માગ્યું પણ આપ અમેરિકાથી વૈક્સિન બનાવાના પ્રુફ કેમ નથી માગતા.. ભારત કંઈક બનાવા માગે છે, તો આપને પ્રુફ જોઈએ પણ પાકિસ્તાન અથવા ચીન બનાવે તો આપ વખાણ કરો છો. તેમણે કહ્યું કે, શું કોંગ્રેસી પોતાના પરિવાર માટે જીવે છે કે પછી તુષ્ટિકરણ કરતા રહે છે. 

It’s a misfortune that Congress always humiliates the country by questioning its achievements.The party insulted son of Uttarakhand&1st ever CDS late Gen Bipin Rawat by questioning Indian Army’s surgical strike & the country by questioning efficacy of #MadeInIndia Covid vaccine. pic.twitter.com/mvsTXXydRW

— Himanta Biswa Sarma (@himantabiswa) February 11, 2022

કોંગ્રેસનો વળતો જવાબ- રાજકીય દેવાળું ફુંકવાની હદ પાર કરી

રાહુલ ગાંધી પર હેમંત બિસ્વાની ટિપ્પણી પર કોંગ્રેસ ભડકી ગઈ છે. કોંગ્રેસના પ્રવક્તા રણદીપ સુરજેવાલાએ વળતો જવાબ આપતા કહ્યું કે, હારને સામે જોઈ રહેલા આસામના મુખ્યમંત્રીએ માનસિક સંતુલન ખોઈ દીધું છે. તેમણે રાજકીય દેવાળાની તમામ હદો પાર કરી દીધી છે. સુરજેવાલાએ કહ્યું કે, મોદીજીની નિષ્ઠા પ્રાપ્ત કરવા માટે પોતાની જૂની પાર્ટીને ગાળો દેવી જરૂરી છે. આ સરમાની નિમ્ન કક્ષાની વિચારધારા છે.